MAZMUR 41:3 - Alkitab Singog In Mongondow Masa In Tanaa

³ Ki Tuhan in mogoḻiung bo moḷukadbí kon inia, Sia in mobogoibí in kobiagan mopia kon inia kon dunia naa, bo diábí moposarakan kon inia kon kawasa in musungnea.

MAZMUR 41:3 Iomraidhean Croise

DATU MITA 2 1:16

Bo ki Elia in noguman kon i datu, “Ki Tuhan in noguman, ‘Iko in nopotabá in intau nopoigum in topotundú kon i Baal-Zebub dewa in kotá in Ekron naonda bo kon Israel in diá in Allah inta motaau poḻibóan. Tuamai iko in diábí mopia, iko in matoibí!’ ”

DATU MITA 2 1:6

Mosia in notubag, “Ḷoḷaki tobatú in namangoi nokipodungkuḷ kon inami, bo nopotabá kon inami nobui sin mopotaau kon i Tuang Datu nanaa, ‘Eta degá diá in kon Israel in Allah, nodapot in iko mopotabá mopoigum in totundú kon i Baal-Zebub, dewa in kotá in Ekron? Iko in diábí mopia, matoibí in iko!’ ”

MAZMUR 73:26

Umpaka dimukud bo awakku in moḻemédon, Ikobí in ropotku, o Allah; Ikobí in kapunyaanku modapot in mononoi.

ULANGAN 6:24

Ki Tuhan Allah naton in nopotabá kon i naton mogaid kon bayongan parenta tatua bo mohoromat kon i-Nia. Aka kita momia natua, umuran-Nea ḷukadan in bangusa naton sinbá umuran mobiag motompia.