MAZMUR 39:5 - Alkitab Singog In Mongondow Masa In Tanaa

⁵ “Tuhan, potaaudon mongo toonu in singgai kopatoianku sinbá kotaauanku kon totuubí mopoḷok in kinobiaganku.”

MAZMUR 39:5 Iomraidhean Croise

KINOBAḺIAN 47:9

Tubag i Yakub, “Akuoi ain nobiag kon binayáanku koonggotnea in mogatutdon bo toḷu nopuḷú notaong. Kobiaganku naa in nopuḻing in roriga. Kinobiaganku naa in nopoḷokbí aka poyobandingonmai umur in mogoguyangku inta nobiag doman nobaḻí intau inta diá notantú kon pogutunan.”

SAMUEL 2 19:34

Táe ki Barzilai in notubag, “Diádon moonggot in kobiaganku. Dá onubí in mangaḻenea akuoi tumakin kon i Tuang datu mayá in Yerusalem?

AYUB 7:6

Kobiaganku inta diádon in kamang ḻimikat in mopobayá in imbuitnea, noiḻiu kon ḻikat in intau mogogaboḷ moburow kon gogaboḷannea.

MAZMUR 144:4

Intau tua in naonda bo tompot poginaan, naonda bo oḻinow noitaḻib, natua in kobiagannea.

MAZMUR 39:11

Gamádon bui in hukuman-Mu nongkon inakó, sin akuoi in gogiódon matoi in kinotugatan in sambok-Mu.

MAZMUR 62:9

Ei bangusaku, pongamangdon kon i Allah pomuḷoi mako; potaaudon kon i-Nia onu in kon bonu in ginamu, sin Siabí in tampat naton poniungan.

MAZMUR 89:47

Modapot in toonu Iko in mogadop, o Tuhan? Modapot in toonu in torú-Mu tumagab naonda bo tuḷú?

MAZMUR 90:12

Degá kinotaauandon nami in kinototoyong in kobiagan naa sinbá kami in mobaḻí intau inta mobijaksana.

MOHOHUTUBA 1:2

Ki Inta Mopandoi tua in noguman: Bayongan yagi-yagi diá in mangaḻenea bo diá in baragunanea! Mobiag tua in parasumabí, komintanbí diá in mangaḻenea.

MOHOHUTUBA 2:11

Táe noiduduimai kon tua sinaridiku in bayongan inta inaidanku, bo inta bayongan ḷopíku sin moginḷapat kon oaidanku mita tatua, dá kinotaauankudon kon tua mita in diábí in mangaḻenea. Onu in iḷongasiku tua diábí in baragunanea naonda bo moḷongasi modomok kon tompot.

YESAYA 40:17

Bayongan in bangusa diábí in mangaḻenea kon i-Nia, naonda bo diábí in kon tayowon-Nea.

YAKOBUS 4:14

Onu in mobaḻí kon kobiaganmu ikoḷom, diábí doman kinotaauanmu tontaní! Moiko nion in tongábí naonda bo poyok inta koontongan motoyong, onda intua diádon.

PETRUS 2 3:8

Táe utatku mita, dika koḻiongan monimu in soaḷ tobatú tanaa, “Aka kon tayowon i Tuhan, tosinggai notongkaibí in toribu notaong, bo toribu notaong ná doman onda bo tongá tosinggai, diábí in yoposinea kon tua.”