MAZMUR 34:3 - Alkitab Singog In Mongondow Masa In Tanaa

³ Akuoi in moibog yumunggagá sin oaidan i Tuhan; igumon mako kodongogan in intau inta dinorot bo moḷunganga in ginanea.

MAZMUR 34:3 Iomraidhean Croise

TAWARIKH 1 16:10

Siabí in ki Tuhan inta tuḷong; koḷungangadon, sin kita naa Siabí in kitogi; bayongan inta mosumba kon i-Nia in koḷungangadon.

TAWARIKH 1 29:20

Nopaḷut mako nosambayang natua, ki Daud in noguman kon intau nobayong inta noyosipun kon tua, “Dayowdon in ki Tuhan Allahmu!” Dá bayongan in intau kon tua nodayow kon i Tuhan, Allah inta sinumba in mogoguyang monia. Bo sinumungkud in mosia sin mohoromat kon i Tuhan bo datu.

TAWARIKH 2 29:30

Ki datu bo intau mita inta sinon itoi kon ḻipú nopotabá kon intau mita in Lewi nokipodondong in dodayow kon i Tuhan in dodayow inta pinomia i Daud bo i Nabi Asap. Komintan intau nodondong takin ḷunganga in gina poḷat sinumungkud bo nosumba kon i Allah.

MAZMUR 35:27

Igumon mako intau inta moibog moindoimai kon inakó in ogoi in monggiow bo mopoḷunganga in gina. Igumon mako mopobui-buimai in mosia in moguman, “Totuubí kon moḷantud totok in ki Tuhan! Ibogon-Nea sinbá mosaḷamatbí in mogogundoi-Nea!”

MAZMUR 40:16

Biódon mako in intau inta kinumosing kon inakó moitaḻikokog bo mooyá.

MAZMUR 66:8

Dayowdon in ki Allah nami, ei bangusa mita, pobaḷúdon in dodayowmu kon i-Nia!

MAZMUR 69:30

Táe akuoi in dinorot bo mogigon kon monakit, buatdon in akuoi o Allah, bo posaḷamatpa in akuoi.

MAZMUR 69:33

Mokoontong kon tua, inta dinorot mopia-pia in gina, intau inta mosumba kon i Allah moḷoben in gina.

YEREMIA 9:23

Ki Tuhan in noguman, “Intau mobijaksana in diábí motaau in moyunggagá popisí in kobobijaksananea, intau moropot popisí in ropotnea, bo intau nooyúon popisí in kaoyúonannea.

YEREMIA 9:24

Ki ine in moibog mopoyunggaga in onuka, yo mustibí moyunggagá sin sia in nonotaaudon bo nomangaḻedon kon i-Nakó; bo kinotaauanneadon kon tabi-Ku modapot in mononoi bo Akuoi in moposindogbí in hukum bo inta moadil kon dunia. Tua komintan in mokosanangbí kon gina-Ku. Akuoi, ki Tuhan, inta ain noguman kon tua.”

LUKAS 1:46

Ki Maria nosingog nanaa, “Akuoi in modayow kon i Tuhan,

OUMAN IN RASUL MITA 19:17

Bayongan intau in Yahudi bo intau mita ibanea inta nogutun kon Epesus komintan nokodongog kon soaḷ mita tatua, dá nongoondok in mosia bo totok in nodayow kon tangoi i Tuhan Yesus.

PILIPI 1:20

Inta totok in kinoibogku bo iharapku mako in bá diá mokoimontanmai in akuoi in diá mokopogaid kon oaidanku. Táe haraponku bá pomuḷoi mako, torutama totok in tanaa mako mobaranidon totok in akuoi sahingga in bayongan onu inta kon inakó – mobiag andeka matoi – ki Kristus in pomuliaan.

WAHYU 14:7

Malaekat tatua in nomaḷú noropot totok, nanaa: “Koondokdon kon i Allah, bo pomuliadon in Sia! Sin naadon in wakutu i Allah mohakim kon dunia. Sumbadon in Sia inta ain nomia kon ḷangit, butá dagat bo bayongan in bokaká!”