MAZMUR 34:1 - Alkitab Singog In Mongondow Masa In Tanaa

¹ Mazmur i Daud, kon tungkuḷ in sia sinumon intau nobundai kon tayowon i Abimelek, dá inuntun in sia bo minayá.

MAZMUR 34:1 Iomraidhean Croise

KINOBAḺIAN 20:2

sia in noguman kon ki Sara ki buḷoinea tua in ki ai-ainea. Tuamai ki Datu Abimelek inta nongkon Gerar nopotabá in totabánea sin modia mangoi kon i Sara poangoi kon inia.

KINOBAḺIAN 26:1

Kon butá tatua nomukádon bui in malarat ná inta nokoimontandon in nobaḻí kon dodai i Abraham. Ki Ishak in minayá kon tayowon i Abimelek, datu intau in Pilistin kon Gerar bo nopoigum sinbá ogoinea mogutun kon tua.

MAZMUR 71:6

Kinoouput in kobiaganku akuoi in kumadai kon ini-Mu; Iko in nogoḻingoi kon inakó pinangkoi kon akuoi pinononggadí dá akuoi in umuranbí modayow kon ini-Mu.

MAZMUR 71:8

Akuoi in umuranbí modayow kon ini-Mu, kinoouput in singgai potaauku in koagung-Mu.

AMSAL 29:25

Moondok kon raian in intau, mokopoangoi kon roriga. Popirisaya kon i Tuhan, dá moamanbí in iko.

OUMAN IN RASUL MITA 16:25

Táe naonda in noonggotdon kon doḷom ki Paulus bo ki Silas nosambayang bo nodondong nodayow kon i Allah. Dá bayongan intau kon ponjara tua nodait nokodongog.

OUMAN IN RASUL MITA 5:41

Rasul mita tatua in nobuidon nongkon sidang agama tatua takin pia in gina, sin kinotaauan bidon monia kon natuabí in mobaḻí dumodudui i Yesus. Patusbí in mosia motarima kon singkuḻe lantaran ki Yesus.

EPESUS 5:20

Umurandon in moiko mopoyaput in sukur kon i Allah, ki Amá naton kon bayongan in yagi-yagi podoyon kon tangoi Yesus Kristus, ki Tuhan naton.

KOLOSE 3:17

Bayongan inta aidan andeka singogon monimu, yo aidai ande singog komintan podoyon kon tangoi i Tuhan Yesus. Poyaputdon in sukurmu kon i Allah ki Amá naton sin bayongan inta pinomia i Yesus kon inimu.

TESALONIKA 1 5:18

Naondakabí in kaadaan monimu, yo tantúbí posukur, sin tuata in kinoibog i Allah aidan monimu saḷaku intau mita inta ain nobiag notobatú i Yesus Kristus.

TESALONIKA 2 1:3

Nobaḻí bidon kowajiban nami mopoyaput in sukur kon i Allah lantaran moiko. Oo patusbí intua aidan nami sin pirisaya monimu kon i Kristus in tantú kodugang-kodugang bo tabi monimu kon tumpaḷa intau in moḷoben domandon.

TESALONIKA 2 2:13

Utatku mita inta kinotabi i Tuhan! Kami in musti umuran mopoyaput in sukur kon i Allah popisí in moiko, sin nongkon pinomangkoianpabímai piniḻídon i Allah in moiko sin posaḷamaton. Kasaḷamatan inta inaidan in Roho i Allah kon i monimu sinbá moiko in baḻíon umat i Allah inta mokudus sin mopirisaya in moiko kon habar inta mobanar nongkon i Allah.

SAMUEL 1 21:11

Pogawai mita i Akhis in noguman nanaa kon i Akhis, “Siabí nion in ki Daud, datu kon butá tanaa! Bo kon iniabí nion kon dodai intua in bobay mita notayok sindaḷan nodondong nanaa, ‘Ki Saul in noḻimod kon ribuan in musung, táe i Daud in puḷúan ribu!’ ”