MAZMUR 33:4 - Alkitab Singog In Mongondow Masa In Tanaa

⁴ Bayongan in tosingogon i Tuhan in totuubí; Sia in mosatiabí kon bayongan in oaidan-Nea.

MAZMUR 33:4 Iomraidhean Croise

KINOBAḺIAN 24:27

Gumannea, “Dinayo-dayowdon in ki Tuhan, ki Allah i tuangku Abraham. Ki Tuhan noniata kon mosatia bo motabi kon i tuangku Abraham. Dinia-Nea in akuoi baḷú noyodungkuḷ in ginaḷumnea.”

MAZMUR 119:128

Tuamai akuoi in nobiag podudui in bayongan topotundú-Mu; dodia inta mobelung in kinodoíku.

MAZMUR 119:75

Kinotaauanku kon pinononantú-Mu in moadil o Tuhan, Iko in nohukumdon kon inakó popisí in kososatia-Mu.

MAZMUR 12:6

Guman i Tuhan, “Intau nobiag nobogá doroton bo intau mororiga mogamui. Dá tanaa doman Akuoi in namangoi mobogoi in kobiagan moodom inta kinoibog monia.”

MAZMUR 19:8

Hukum i Tuhan tua in motomoman, mokosanang kon dimukud. Parenta i Tuhan motaau pirisayaan, mobogoi in hikmat kon intau inta diá kopongalaman.

MAZMUR 25:10

Intau inta motoindudui kon dodandian bo hukum-Nea, yo kotabi-Neabí in mosia takin satia.

MAZMUR 96:13

Sin ki Tuhan in mamangoi momarenta kon butá, Sia in mohakimbí kon bangusa mita takin moadil bo mojujur.

AMSAL 30:5

Ki Allah in nogintompodbí kon bayongan in dandi-Nea. Sia in naonda bo kaḻeaw kon bayongan in intau inta mamangoi moniung kon i-Nia.

DANIEL 4:37

Dá tanaa in akuoi, ki Nebukadnezar modayow, mopoḷantud bo mopomulia kon i Datu in Soroga. Bayongan in oaidan-Nea in moitutui bo moadil, bo Sia in mokopotungkudbí kon intau mita inta moḷoḷatú.

MIKHA 2:7

Dika morai kon umat in Israel in kinutukdon i Tuhan! Ki Tuhan in diábí mogaid kon natua mita. Sia in diábí mokoimontanmai in koinggamáan in sabar-Nea. Sia in mosingogbí takin pia-pia mako kon intau mita inta mogaid kon inta moitutui?”

YOHANES 14:6

Ki Yesus in notubag, “Akuoibí naa in daḷan kon monotaau kon i Allah bo mokouḻí kon kobiagan. Diábí in tobatúmai intau in mokoyaput kon i Amá, aka diá mongin i-Nakó.

SURAT I PAULUS KON JAMAAT RUM 7:12

Hukum agama tua in nongkon i Allahbí, bo pomuḷoi in parenta kon bonu in hukum tatua namangoibí nongkon i Allah, manangka intua moadilbí bo mopia.

ULANGAN 32:4

Ki Tuhan in mododuḷumu inta moroton, oaidan-Nea in motonggimok, bo bayongan daḷan-Nea in motuḻid. Ki Allahmu in mosatia, diábí in tombogá kon i-Nia, Sia in nogaid kon onu inta mopia bo totuu.

TITUS 1:2

Totundú tatua in pinodoyonbí kon harapan kon kita in motarimabí kon kobiagan inta mopia bo mononoi. Kobiagan tatua in pinodandi bidon i Allah kon tungkuḷ in dunia naa diápa pinomia. Ki Allah in diábí monguboḷ.