MAZMUR 32:3 - Alkitab Singog In Mongondow Masa In Tanaa

³ Kon dodai in akuoi diá mongaku kon dosaku, moḷungkoyódon in akuoi popisí in mogamui kinoouput in singgai.

MAZMUR 32:3 Iomraidhean Croise

SAMUEL 2 11:27

Onda intua naonda in nopaḷutdon in pinonogumatoian tatua, binayá pinoki gamá i Daud in bobay tatua bo dinia mangoi in komaḻig bo binaḻídon i Daud ki buḷoinea in sia. Tongonumai nobuḷan noiduduimai, nopononggadí in sia in adí ḷoḷaki tobatú. Táe kinodoíbí i Tuhan in aid i Daud tatua.

AYUB 3:24

Toḻiu in mongaan akuoi in mogamui, diá mogoga-gogai in akuoi mokuani.

AYUB 30:17

Aka doḷom bayongan in tuḷanku mopomporí; tumura-turak diá mooyo-oyong.

AYUB 30:30

Kuḻitku in irumondí; awakku in nopokak sin pinonik in patú.

MAZMUR 22:1

Kon i itoi in mododondong. Podudui in dondong: Rusa kon dodai in modiug mobayag. Mazmur i Daud.

MAZMUR 38:3

Piot-Mu in noiḷambai nonongkekeb kon awakku, ḻima-Mu in korasaan mobogat in mondorot kon inakó.

MAZMUR 38:8

Patú in rintonow momokak kon awakku, diádon in mosehat kon awakku.

MAZMUR 51:8

Iko in monuntut kon kototuḻid in gina; pogonúaidon in ginaku in hikmat-Mu.

MAZMUR 6:2

Tuhan, donaaidon kaasí mosambok kon inakó podoyon kon torú-Mu, donaaidon mohukum kon inakó podoyon kon yaat in gina-Mu.

AMSAL 17:22

Gina inta mosanang in mokosehatbí kon awak; gina molamurú mokoinggamá kon ibog.

AMSAL 28:13

Ki ine in mobuni kon dosanea diábí momujur. Ki ine in mongaku bo monaḷámaidon, kotabibí i Tuhan.

YESAYA 51:20

Kon pomuḷoi in popod in daḷan intaumu mita in noumpag kinodaitan in ropot naonda bo rusa inta noibaaḷ kon pukot. Mosia in kinoantugan in torú i Tuhan, bo kinotugatan in guak i Allahmu.

YESAYA 57:17

Dosa in turá monia nokopopisí kon i-Nakó sinumorú, tuamai in ihukum-Ku in mosia bo sinaḷáan-Ku. Táe mosia in pamandot bo umuran momiḻí kon daḷannea tontaní.

YESAYA 59:11

Kami in inangoian in ondok bo morobonoḷ in dodob; kami in motayak kon inta moadil, táe diá onda; kami in moharap kon kasaḷamatan táe diá in mangaḻenea.

OMBAḶ 1:3

Intau mita in Yohuda in nonaḷámaidon kon butánea, popisí in sinonggata bo totokdon in mororiga. Tanaa in mosia in nogutundon kon yua-yuak in bangusa mita takin diá in tampat inta mobogoi in kobiagan motompia. Musung mongopung kon i monia kon dodai in mosia nororiga.

OMBAḶ 3:4

Pinopomukaan-Nea in kinekeban modaḷom in awakku, bo tuḷanku mita in nongoputoḷ.

OMBAḶ 3:8

Akuoi in kinumarak mopoigum in totuḷung, táe ki Allah in doíbí mokidongogmai.

HOSEA 7:14

Mosia in diábí totu-totuu mosambayang kon i-Nakó. Aka mosia mosambayang, mosia in umobatbí kon tosiugan monia, bo mogamui naonda bo onu inta inaidan in intau mita inta diá mopirisaya kon i-Nakó. Aka mosia mosambayang moigum kon gandum bo anggur, mosia in monongkekeb kon awak ná inta inaidan in intau mita inta nosumba kon dewa. Mosia in totu-totuubí kon moḷawang kon i-Nakó.!

SAMUEL 1 31:13

Bayongan in tuḷannea sinipun bo iḷobong kon siungonmai in pangkoi in tamariska kon kotá tatua. Onda intua nopuasadon in mosia pitu nosinggai in koonggotnea.