MAZMUR 32:11 - Alkitab Singog In Mongondow Masa In Tanaa

¹¹ Ei intau mita motoḷutui, pokosanangdon bo pokoḷungangadon sin onu inta ain pinomia i Tuhan Porogiowdon takin pia in gina, ei bayongan in intau inta motuḻid in gina!

MAZMUR 32:11 Iomraidhean Croise

MAZMUR 125:4

O Tuhan, popoaidon in mopia kon intau mopia, kon intau inta motuḻid in gina.

MAZMUR 32:2

Pia in kamang in intau inta aidnea moraat diádon irekengmai i Tuhan, bo inta doí mongakaḷ.

MAZMUR 33:1

Ei intau mita motoḷutui, porogiowdon takin pia in gina sin onu inta ain inaidan i Tuhan; patusbí in intau motuḻid in gina umuran modayow.

MAZMUR 5:11

Hukumdon in mosia, o Allah, pomayádon mako in mosia mobodito popisí in tomayánea tontaní. Untundon in mosia sin nobayongdon in dosa monia, sin mosia in nomarontakdon kon ini-Mu.

MAZMUR 64:10

Bo bayongan in intau angoiandon in ondok; mosia in moraidon kon oaidan i Allah bo mopotaa-taau mako kon onu inta ain inaidan-Nea.

MAZMUR 68:3

Pinoguntun i Allah in mosia mayá, naonda bo poyok inta inirup bo noinggamádon. Naonda bo lilin inta ḷumoḷayat kon bonu in tuḷú, natuata in intau moraat moinggamá nongkon tayowon i Allah.

MAZMUR 7:10

Popogogaidon in aid moraat in intau moraat bo irotonaidon in gina in intau mopia, sin Iko in ki Allah inta moadil, inta nonotaau kon gina bo raian in intau.

MAZMUR 97:1

Ki Tuhan in Datu! Biódon mako in butá mokoposanang, bo ḻibuton mita in moḷunganga.

MAZMUR 97:12

Pokosanangdon, ei intau mita inta motuḻid in gina popisí in onu inta ain inaidan i Tuhan, bo posukurdon kon i Allah inta motusi.

MAZMUR 98:4

Poronggiowdon kon i Tuhan, ei sinangkub in butá! Dayowdon in ki Tuhan pongin dondong bo giow pia in gina.

ZAKHARIA 4:7

Ḷonggai nákabí koḷoben in buḷud yo moigambatbí nongkon tayowonmu. Iko in buibí moposindog in Baḷoi-Ku, bo kon dodai in iko mogukat kon batu dungkuḷ kon tampatnea, intau mita in momaḷúdon, ‘Totuu mopia ah!’ ”

SURAT I PAULUS KON JAMAAT RUM 5:11

Bo deemanbí tongá tua, táe moḷungangadon totok in gina naton kon kopopia in gina i Allah inta pinopotonsigad kon i Yesus Kristus ki Tuhan naton. Sin pinongin i Kristus tuata, dá tanaa mako kita mokoalami kon hubungan naton inta mopia takin i Allah.

ULANGAN 12:12

Kosanangdon in gina kon tayowon i Tuhan Allahmu, takin adímu mita, bobantungmu mita bo intau mita in Lewi inta nogutun kon kotámu mita, sin intau mita in Lewi diá nokouḻí kon tonsilai kon butámu.

PILIPI 3:1

Pangabisannea, pogumanku kon i monimu utatku mita, kosanangdon in gina monimu, sin moiko ain notobatú i Tuhan. Diábí mobú in akuoi in momais bui kon onu inta ain pinaisku koḻipod kon i monimu; sin kopiaanbí monimu intua.

PILIPI 3:3

Bokaka kitabí naa in intau mita inta notarima kon sunat nongkon i Allah. Kitabí naa in intau inta ain dinia i Allah sin mosumba kon i-Nia, bo umuran mosukur mako in kita sin notobatúdon i Kristus Yesus. Diá bidon in kita moitogot mako kon upacara inta sipatnea in tongábí samantara.

PILIPI 4:4

Kosanangdon in gina monimu sin ain nopirisaya bo nobiag notobatú takin i Tuhan. Buipa doman pogumanku: kosanangdon in ginamu!

SAMUEL 1 2:1

Bo nosambayang in ki Hana, kainia, “Ki Tuhan in nopoḷungangadon kon ginaku; oaidan-Nea in nokosanangdon kon ginaku. Takin pia in gina singkuḻeonku in musungku, sin totu-totuudon kon ki Allah in notuḷungdon kon inakó.