MAZMUR 3:4 - Alkitab Singog In Mongondow Masa In Tanaa

⁴ Táe Iko, o Tuhan, in kaḻeaw inta mogoḻingoi kon inakó. Pinopountung-Mu in akuoi, bo iniyotonan-Mu in ginaku.

MAZMUR 3:4 Iomraidhean Croise

KINOBAḺIAN 15:1

Nopaḷut mako kon tua, ki Abram nokoontong kon oontongon bo nokodongog kon i Tuhan noguman kon inia, “Dika moondok, Abram, ḷukadan-Kubí in iko nongkon bodito, bo moḷoben totok tondan in pinogaidanmu in ogoi-Ku kon inimu.”

MAZMUR 119:114

Ikobí in mododuḷu bo mogogoḻingoiku, akuoi in mogoḷat mako kon dandi-Mu.

MAZMUR 138:3

Kon tungkuḷ in akuoi nokuani kon ini-Mu, Iko in notubag, inirigonan-Mu in ginaku dá nobaranidon in akuoi.

MAZMUR 18:3

Ki Tuhan in naonda bo dinding inta moropot pogogadopanku. Ki Allahku in naonda bo buḷud batu pononiunganku. Naonda bo kaḻeaw inoḻingoian-Nea in akuoi, bo noḷukad kon inakó sinbá umuran in akuoi moaman.

MAZMUR 2:6

Kai-Nia, “Kon Sion buḷud-Ku inta motusi aindon dinuí-Ku datu inta piniḻí-Ku.”

MAZMUR 27:6

Tanaa akuoi in nountung kon musung inta kon ḻibukumai; dá takin goḷokap takin pia in gina pinosumbaku in kuruban sukur kon Baḷoi-Nea; akuoi in nodondong bo nodayow kon i Tuhan.

MAZMUR 28:7

Ki Tuhan in mogogoḻiung bo mododuḷuku, akuoi in mopirisaya kon i-Nia. Sia in notuḷung bo nopoḷunganga in ginaku, akuoi in nodayow kon i-Nia pinongin dondong sukur.

MAZMUR 34:4

Poḷantudon in ki Tuhan takinku, igai moyotakin mopomulia kon tangoi-Nea.

MAZMUR 34:6

Intau dinorot nongamang kon i-Nia bo mopia in gina, diábí in dodoyonan monia kon mooyá.

MAZMUR 43:3

Poniatadon in kososatia-Mu sin monindar bo mokapit kon inakó, sinbá akuoi in mobui mayá in Sion, tombuḷud-Mu inta motusi bo mayá in Baḷoi pogogutunan-Mu.

MAZMUR 50:15

Pokuanidon kon i-Nakó kon dodai in koantugan in bodito, Poḷuaton-Kubí in moiko, bo moiko in modayowbí kon i-Nakó.”

MAZMUR 62:8

Siabí in ki Allah inta nobogoi kon inakó in kasaḷamatan bo kahoromatan, Sia tua in mogogoḻiungku bo mododuḷuku inta moropot.

MAZMUR 84:12

Sin ki Tuhan Allah in moḷoḷukad naton bo datu inta moḷantud, inta noponotabi kon inaton in tabi bo kahoromatan. Sia in diábí kon dodai in onda in nondoí kon onuka in mopia kon intau inta kobobiagnea diá in bogit.

MAZMUR 89:19

Sin mogogoḻingoi nami in intau inta piniḻí-Mu, o Tuhan; datu nami in ki Allah Mokudus in Israel in kitogi.

MAZMUR 91:15

Aka sia bo mokuani kon i-Nakó, Tubagan-Kubí. Kon tungkuḷ in koantugan in susa, tuḷungan-Kubí in sia; sia in popaḷuputon-Kubí bo ogoian-Ku in kahoromatan.

MAZMUR 99:9

Poḷantudon in ki Tuhan Allah naton, bo sumbadon in Sia kon buḷud-Nea inta motusi, sin mokudusbí in ki Tuhan Allah naton.

AMSAL 2:7

Intau inta motuḻid in gina bo inta diá in bogit, tuḷungan-Nea poḷat ḷukadan.

YESAYA 65:24

Kon tungkuḷ in mosia diápa mopoigum Akuoi in motubag; kon tungkuḷ in mosia diápa mopaḷut mosambayang, Akuoi in notubagdon kon sambayang monia.

OMBAḶ 3:56

Totok in poigumonku kaasí dikapa momompon kon bongoḷan-Mu kon onu inta poigumonku sinbá Iko in motuḷung kon inakó. Dá sambayangku in inindongogan-Mudon, bo Iko in namangoi dinimiug; iko in noguman, ‘Dika moondok.’

MATIUS 7:7

“Poigumdon, dá ogoianbí in moiko. Potayakdon, dá mokouḻí bí in moiko. Ponangkokódon, dá pobukatanbí in moiko kon ḷoḻingkop.

YAKOBUS 5:13

Aka kon sigad monimu oyúon in kinoantugan in roriga, yo musti in sia mosambayang. Aka oyúon in moḷunganga, yo musti in sia modondong modayow kon i Allah.