MAZMUR 3:3 - Alkitab Singog In Mongondow Masa In Tanaa

³ Nobarong in noguman kon ki Allah in doí motuḷung kon inakó.

MAZMUR 3:3 Iomraidhean Croise

KINOBAḺIAN 15:1

Nopaḷut mako kon tua, ki Abram nokoontong kon oontongon bo nokodongog kon i Tuhan noguman kon inia, “Dika moondok, Abram, ḷukadan-Kubí in iko nongkon bodito, bo moḷoben totok tondan in pinogaidanmu in ogoi-Ku kon inimu.”

KINOBAḺIAN 40:13

Kon bonu in toḷu nosinggai moiduduimai ki datu mopoḷuaidon kon inimu, ampunganneadon in iko bo popobuineadon in iko kon oaidanmu inta koḻipod. Iko in bui bidon moposadia in oinumon i datu ná koḻipod.

DATU MITA 2 18:30

Dika mokidongog kon dondouḷugnea kon mogoḷat kon i Tuhan. Dikabí morai kon ki Tuhan in moposaḷamat kon i monimu andeka mogimaḷow kon tontara in Asyur in mogagow kon kotámu.

DATU MITA 2 18:32

moidapot in moiko pampingonku kon butá tobatú inta notongkai in butámu tontaní. Kon tua in oyúon in gobá in anggur inta mopomungai in anggur kon inimu, bo gobá in gandum inta mobogoi in topong sin kaanonmu. Kon butá tatua in mobayong in pangkoi in zaitun, ḷana in zaitun bo biluk. Aka moiko in dumudui kon onu inta pinogumanku tanaa kon inimu, yo mobiagbí in moiko, diábí matoi. Dika indongogan in ki Hizkia! Tongábí in sia monguboḷ kon i monimu takin moguman kon ki Tuhan in moposaḷamatbí kon i monimu.

DATU MITA 2 25:27

Kon singgai nogindoyowa nopuḷú bo pitu kon buḷan impuḷú bodoyowá kon taong intoḷu nopuḷú bo pitu naonda in ki Yoyakhin dinia kon pinoḷumbúan, ki Ewil-Merodakh in nobaḻí datu in Babel. Kon taong tatua doman pinoontongneadon in tabinea kon i Yoyakhin, bo pinoḷuaineadon kon ponjara,

MAZMUR 110:7

Datu in monginumbí nongkon ongkag kon bingkí in daḷan, naonda in iniropotan mako, sia in mountungbí.

MAZMUR 119:114

Ikobí in mododuḷu bo mogogoḻingoiku, akuoi in mogoḷat mako kon dandi-Mu.

MAZMUR 18:2

Akuoi in motabi kon ini-Mu, o Tuhan, Ikobí in nobaḻí ropotku.

MAZMUR 27:6

Tanaa akuoi in nountung kon musung inta kon ḻibukumai; dá takin goḷokap takin pia in gina pinosumbaku in kuruban sukur kon Baḷoi-Nea; akuoi in nodondong bo nodayow kon i Tuhan.

MAZMUR 28:7

Ki Tuhan in mogogoḻiung bo mododuḷuku, akuoi in mopirisaya kon i-Nia. Sia in notuḷung bo nopoḷunganga in ginaku, akuoi in nodayow kon i-Nia pinongin dondong sukur.

MAZMUR 4:3

Ei intau mita, dapotpa in toonu moiko in mopoompámai kon i Allahku? Modapot in toonu moiko motabi kon inta diá in mangaḻenea bo momatuk kon inta diá totuu?

MAZMUR 62:7

Tongábí Sia in mogoḻiung bo moposaḷamat kon inakó; Sia in mododuḷuku, diábí in akuoi motundan.

MAZMUR 84:11

Mopia-piabí kon tosinggai in kon Baḷoi-Mu dika in toribu nosinggai kon tampat ibanea. Piniḻíku in mobaḻí moḷoḷukad kon ngara in Baḷoi i Allahku dika in mogutun kon baḷoi in intau moraat.

YESAYA 45:25

Táe buí i Yakub in posaḷamatonbí, bo mosia in modayowbí kon i-Nakó, ki Tuhan.

YESAYA 60:19

Iko in diábí paraḷu sindaran mata in singgai kon dodai in singgai, bo diábí paraḷu simbayagan in buḷan kon dodai in doḷom. Sin Akuoi ki Tuhan in nobaḻí mononimbayag mononoi kon inimu, Akuoi in monindar kon inimu pongin kamuliaan-Ku.

LUKAS 2:32

sia naonda bo bayag inta nonimbayag kon daḷan in intau mita ibanea, sinbá mosia in mamangoi kon ini-Mu; tuata in bayag inta mobaḻí dodoyonan poduían kon umat-Mu Israel.”

ULANGAN 33:29

Kosanangdon in iko, ei Israel! Diábí in bangusa ná iko pinosaḷamat i Tuhan. Ki Tuhan in naonda bo pitow bo oḻingoi kon inimu; sin moduḷu kon inimu bo mobogoi in kauntungan kon inimu. Musungmu mita in mamangoibí mokikotabimai, bo iko in totokbí in moritak kon i monia.”

WAHYU 21:11

kotá tatua nopuḻing in kamuliaan i Allah bo sindarnea in naonda bo permata inta totok mogaga, naonda bo batu permata inta mobaḷu-baḷui in batangannea permata baiduri notarang naonda bo kristal.

WAHYU 21:23

Kotá tatua diá bidon paraḷu simbayagan mata in singgai ande buḷan, sin kamuliaan i Allah aindon nokosimbayag kon tua, bo ki Adí in Domba in nobaḻí togánea.