MAZMUR 28:3 - Alkitab Singog In Mongondow Masa In Tanaa

³ Dikabí moyompat kon inakó poyotakinon in intau moromú, moyotakin in intau inta nogaid kon inta moraat. Mopia in potosingog monia, táe gina monia in nopuḻing in moraat.

MAZMUR 28:3 Iomraidhean Croise

MAZMUR 10:14

Táe inontong-Mubí; Sinaridian-Mu in susa bo roriga, bo umuran mosadia motuḷung. Intau inta moyangkó moposarakan in kobiagan kon ini-Mu, Iko in umuranbí motuḷung kon intau nobogá.

MAZMUR 10:7

Sia in umuranbí mongutuk, mopogogondok bo monguboḷ, singognea mita in nopuḻingbí in yaat in gina bo inta moraat.

MAZMUR 12:2

Tuḷungaipa kaasí in kami, o Tuhan, sin diádon in intau mopia, intau inta mosatia kon ini-Mu ain noyopú.

MAZMUR 141:4

Poyayúdon in akuoi kon ibog mogaid kon inta moraat. Dikabí pomayá mako in akuoi in moyokapung in intau moromú bo mongaan moyotakin kon bobutungan monia.

MAZMUR 26:9

Dika moḻimod kon inakó takin intau binaradosa, andeka morabut kon nyawaku takin moḷoḻimod.

MAZMUR 36:4

Tosingogonnea mita in moraat bo nopuḻing in tompobaḻik, sia in diá bidon mogaid kon inta mopia bo mobijaksana.

MAZMUR 52:1

Kon i itoi in mododondong. Dondong topotundú i Daud,

MAZMUR 55:21

Yobayatku dungkuḷmai monubu kon yobayatnea mita, iḻimimpatdon in sia kon dodandiannea.

MAZMUR 62:4

Modapot in toonu in moiko komintan in moibog monubu kon intau inta nádon onda bo dinding noendeg bo dinding inta ain moumpag?

MIKHA 3:5

Bangusaku inakaḷan in nabi mita inta nonoḻindap kon inta mopia kon intau inta mobogoi in doit, táe mosaturu bo mopoompámai kon intau inta diá mobogoi. Kon i monia nabi mita inta natua, ki Tuhan in noguman,

PINOGIAPAN 16:26

Ki Musa noguman kon intau mita in Israel, “Ḷuaidon nongkon ḷoḷaigan in intau mita inta moraat tanaa bo dika doman moḻiai kon kapunyaan monia. Aka moiko doí dumudui, yo moiko in yopúon poyotakinon monia popisí in dosa mita monia.”

MATIUS 25:41

Bo Sia in noguman doman kon i monia inta kon dotá in koḷoigi-Nea, ‘Bayádon in moiko nongkon tayowonku, sin moiko in intau mita inta binaḷa! Bayádon bo tuotdon kon bonu in tuḷu inta diá mopio-piong sin tua in sinadia in Ibilis bo malaekatnea kon i monimu!

MATIUS 25:46

Bo mosia naa in bonuon kon tampat pohohukuman mononoi, táe intau inta mopia in mokouḻí kon kobiagan inta mononoi.”