MAZMUR 27:3 - Alkitab Singog In Mongondow Masa In Tanaa

³ Umpakabí akuoi kopungon in tontara inta mobarong, yo diábí in akuoi moondok. Umpakabí mobaḻí in parang monayow kon inakó, akuoi in umuranbí mongamang.

MAZMUR 27:3 Iomraidhean Croise

TAWARIKH 2 20:15

bo noguman in sia, “Tuang inta momulia takin bayongan utat mita. Ki Tuhan in noguman kon moiko in dikabí kobuḻian in kamang andeka moondok in monayow kon tontara inta mobayong tatua. Sin deemanbí moiko in moparang táe ki Allahbí.

AYUB 4:6

Iko nion in intau inta motoindudui kon i Allah; kobobiagmu in diábí in moraat? Aka natua, dá patusbí in iko moyakin bo diá kobuḻian in kamang.

MAZMUR 112:7

Sia in diábí moondok in motarima kon habar diá mopia, ginanea in morotonbí popisí in mopirisaya kon i Tuhan.

MAZMUR 3:6

Akuoi in inumuḻid bo nosiug takin pia-pia, bo nobangon bui, sin ki Tuhan in notuḷung kon inakó.

MAZMUR 3:7

Diábí in akuoi moondok kon ribuan in musung inta mongopung kon inakó nongkon bayongan tampat.

MAZMUR 52:6

Pinongin tosingogonmu mita iko mongakaḷ bo mopoyaat in gina in intau.

PILIPI 1:28

Bo topiḻikmai dikabí moondok kon saturumu mita; sin aka diá moondok in moiko, yo tua in mopoontong kon mosia in taḷowonbí bo moiko in mountung, sin ki Allahbí tontaní in mobogoi intua kon i monimu.

PETRUS 1 3:14

Táe umpaka mokorasa kon roriga lantaran mogaid kon soaḷ mita inta mopia, táe mountungbí in moiko! Manangka intua donaaibí moondok kon i inekabí bo donaai doman umuran moḻia-ḻiaw in gina.

WAHYU 2:10

Dikabí moondok kon yoyiga inta diádon moonggot in musti korasaan monimu. Pokotorop, oyúon in tongonumai intau kon sigad monimu in potuoton Ibilis kon bonu in ponjara sin mosoba kon i monimu. Moiko in mokorasa kon yoyiga kon bonu in mopuḷú nosinggai. Táe kotoinduduibí tantú in moiko kon i-Nakó modapot in matoi, dá moiko ogoian-Ku in kobiagan mononoi saḷaku tombuinag sin nountungdon.

SAMUEL 1 19:8

Onda intua nobaḻídon bui in parang takin intau in Pilistin. Ki Daud nonubu bo poḷat nonaḷow totu-totuu kon i monia, nodapot in mosia noḷagui.