MAZMUR 27:1 - Alkitab Singog In Mongondow Masa In Tanaa

¹ Mazmur i Daud. Ki Tuhan in sindarku bo kasaḷamatanku, diábí in koondokku. Ki Tuhan in nobaḻí benteng pogogadopanku, diábí in akuoi mourot.

MAZMUR 27:1 Iomraidhean Croise

AYUB 29:3

Akuoi umuran sinuḷungan-Nea, sinimbayagan-Nea kon tungkuḷ in minayá kon sindip.

MAZMUR 11:1

Kon i itoi in mododondong. Mazmur i Daud. Akuoi in noniung kon i Tuhan; diábí in mangaḻenea in moguman kon inakó, “Posaḷamatdon in awakmu naonda bo ḷagapan inta iḷumayug kon buḷud.

MAZMUR 118:21

Akuoi in modayow kon ini-Mu, sin Iko in notubagdon kon sambayangku; pinountung-Mudon in akuoi.

MAZMUR 118:6

Akuoi in diábí moondok sin ki Tuhan in kotaki-takinku, intau in diábí mokopongonu kon inakó.

MAZMUR 18:28

Intau inta moompá in gina pinosaḷamat-Mu, táe intau inta mokaḷakuang in pinotungkud-Mu.

MAZMUR 18:29

Iko in nopoyongkit in togáku; ki Tuhan Allahku in nonimbayag kon sindip in kinobiaganku.

MAZMUR 18:46

Barani monia in noinggamádon; nourot in mosia bo iḻumuai nongkon poḷoḷukadan monia.

MAZMUR 19:14

Poyayúdon in akuoi nongkon dosa inta sinontuon inaidan, donaai pomayá mako in akuoi kawasaannea. Dá mobaḻídon in akuoi diá in bogit, bo moiḷuatdon nongkon aid moitaḷá inta mobogat.

MAZMUR 3:8

Posaḷamatpa in akuoi, o Tuhan Allahku, hukumdon bo potungkudon in bayongan in saturuku.

MAZMUR 43:2

Ikobí in ki Allah moḷoḷukadku; nongonu sin taḷaan-Mubí in akuoi? Nongonu sin akuoi in umuranbí mobaba kon roriga popisí in doroton in musungku mita?

MAZMUR 62:2

Noodombí mako in dimukudku mogoḷat mako kon i Allah, tongábí nongkon i-Nia in kasaḷamatanku.

MAZMUR 62:6

Noodom in ginaku mogoḷat mako kon i Allah, tongábí nongkon i-Nia in kasaḷamatanku.

MAZMUR 84:11

Mopia-piabí kon tosinggai in kon Baḷoi-Mu dika in toribu nosinggai kon tampat ibanea. Piniḻíku in mobaḻí moḷoḷukad kon ngara in Baḷoi i Allahku dika in mogutun kon baḷoi in intau moraat.

IḶUAIAN 15:2

Ki Tuhan mototuḷungku inta moropot; Sia inta ain noposaḷamat kon inakó. Sia in ki Allahku, dayowonku in Sia, ki Allah sosumbaan in mogoguyangku, poḷantudonku in Sia.

YESAYA 12:2

Totuu, ki Allah tua in mopoposaḷamatku, akuoi in mopirisaya kon i-Nia. Akuoi in diábí moondok, sin Sia in moginropot kon inakó. Mopoposaḷamatku in ki Allah, Kon i-Nia in popoyaputanku in dondong.

YESAYA 2:5

Ei, buí i Yakub, igai in kita dumudui kon bayag i Tuhan!

YESAYA 45:24

Intau mita inta noguman, ‘Koadilan bo ropot in tongábí nongkon i Tuhan!’ Bayongan in intau inta doí kon i-Nakó in mamangoibí kon i-Nakó bo mooyá.

YESAYA 61:10

Yerusalem in noguman, “Moḷunganga in ginaku popisí in ki Tuhan, ginaku in mosanang sin ki Allah. Naonda bo nonikaan ḷoḷaki bo bobay nopogiḷambá in inta mongogaga, natuata in pinopopaké i Tuhan kon inakó ḷambung kasaḷamatan bo kountungan.

YEREMIA 20:11

Táe Iko, o Tuhan, in kon dotáku; Iko in totok in moropot bo motorindog. Mosia inta mogaḷow bo mondorot kon inakó in moḷabúbí bo kodaitan in daya. Mosia in mooyábí modapot in mononoi, diádon in notuoi in bayongan tomayá monia. Koempengan monia tua in umuranbí toropon.

MALEAKHI 4:2

Táe kon i monimu inta motoindudui kon i-Nakó, kawasa-Ku inta mokosaḷamat in momukábí naonda bo mata in singgai, bo sindarnea in mokoundam. Moiko in moiḷuatbí bo mopia in gina naonda bo ki adí in sapi inta bagu pinoḷuai kon ḷantung.

MATIUS 8:26

Sia in noguman kon i monia, “Nongonu sin moondokbí in moiko intau inta diá totok mopirisaya?” Onda intua nobangon in ki Yesus bo sinumorú kon tompot bo danow tatua, indoianmai yo diádon nogirup in tompot tatua bo danow in noḷonong totok.

LUKAS 2:30

Sin mataku tontaní inta ain nokoontong kon mopoposaḷamat inta nongkon ini-Mu.

LUKAS 3:6

Sinbá komintan intau mokoontong kon i Allah moposaḷamat kon bayongan intau!’ ”

YOHANES 1:9

Bayag totokanea inta monimbayag kon bayongan in intau, mamangoi in dunia.

YOHANES 8:12

Ki Yesus in buipa doman noguman kon i monia, “Akuoi naa in bayag in dunia. Intau inta dumudui kon i-Nakó in diá bidon sia mayá kon bonu in sindip, táe oyúondon in bayag kon kobiagannea.”

SURAT I PAULUS KON JAMAAT RUM 8:31

Onu in motaau naton singogon kon soaḷ mita tatua? Aka ki Allah bo noyotakin naton yo ki ine in mokoḷawang kon i naton?

KORINTUS 2 12:9

Táe sinubagan i Tuhan nanaa, “Tugatdon in totabi-Ku kon inimu; sin aka naníon kaadaan in awakmu, yo kawasa-Ku in modugangbí moropot.” Tuabí manangka in mopiabí totok in ginaku bo duíonkubí in onu inta nogaat kon awakku. Sin aka akuoi bo diádon mokopongonu, yo kon wakutu intuata korasaanku in kawasa i Kristus inta totok in moḷoben motuḷung kon i nakó.

ULANGAN 7:18

Táe dika moondok kon i monia; toropdon onu in pinomia i Tuhan Allahmu kon i datu in Mesir bo bayongan in rayatnea.

ULANGAN 7:21

Dá dikabí moondok kon bangusa mita tatua. Ki Tuhan Allahmu in moḷukadbí kon i monimu. Sia in ki Allahbí inta moḷoben bo motoyang.

PILIPI 4:13

Kawasa inta inogoi i Kristus kon inakó umuran mobogoi in ropot kon inakó in tumayow kon kaadaan noyagi-yagimai.

IBRANI 13:6

Tuamai mobaranibí in kita moguman, “Ki Tuhan in mototuḷungku, tuamai akuoi in diá moondok. Onubí in motaau aidan in intau kon inakó?”

WAHYU 21:23

Kotá tatua diá bidon paraḷu simbayagan mata in singgai ande buḷan, sin kamuliaan i Allah aindon nokosimbayag kon tua, bo ki Adí in Domba in nobaḻí togánea.

WAHYU 22:5

Mosia in diá bidon moparaḷu kon togá andeka bayag mata in singgai, sin diá bidon modoḷo-doḷom in kon tua, bo ki Tuhan Allahbí tontaní in monimbayag kon i monia. Bo mosia in momarentabí saḷaku datu modapot in kopaḷutannea.

WAHYU 7:10

Mosia in nomaḷú noropot nanaa: “Kasaḷamatan naa in tongábí nongkon i Allah naton inta iḻimitú kon tudu in tampat pomomarentaan bo nongkon i Adí in Domba tatua!”