MAZMUR 24:7 - Alkitab Singog In Mongondow Masa In Tanaa

⁷ Bukádon kooḷad in bonawang koyongan, sinbá tumuot in ki Datu inta momulia.

MAZMUR 24:7 Iomraidhean Croise

SAMUEL 2 6:17

Poti in Dodandian tatua in inukat kon tampatnea kon bonu in ḷoḷaigan inta pinosindog i Daud sin pogukatan kon Poti tatua. Onda intua ki Daud noposumba in kuruban dodamean kon i Tuhan.

DATU MITA IMITÁNEA 8:11

Goḷom tatua mopouḻi-uḻinagdon in kamuliaan in kinoangoian i Tuhan dá imang mita tatua in diádon motaau tumuot bui mogaid kon oaidan monia.

DATU MITA IMITÁNEA 8:6

Nopaḷut mako kon tua imang mita nodia kon Poti Dodandian tatua pinotuot kon Baḷoi Tuhan bo inukat kon ḻimonag in patong mita in kerub kon bonu in Yuang Totok Motusi.

MAZMUR 132:8

Angoidon bo pogutundon kon Baḷoi-Mu, o Tuhan, moyotakin in Poti Dodandian, tomponuot in kawasa-Mu.

MAZMUR 21:1

Kon i itoi in mododondong. Mazmur i Daud.

MAZMUR 21:5

Sia in nopoigum in kobiagan, bo inogoi-Mu doman kon inia, nodapot in umur moḷanggó modapot in mononoi.

MAZMUR 97:6

Ḷangit in mopotaau in kooadil-Nea, bo bayongan in bangusa nokoontong kon kamuliaan-Nea.

YESAYA 26:2

Bukádon in bonawang mita, sinbá tumuot in bangusa inta motoindudui, bangusa inta nogaid kon onu in kinoibog i Allahnea.

YESAYA 62:10

Intau in Yerusalem, ḷuaidon mongin bonawang, sadiadon in daḷan kon intau mita inta mobui. Aidaidon in daḷan moḷoben, ḷumbúdon in batunea, posindog in bandera mita kon bangusa mita.

MIKHA 4:8

Bo iko Yerusalem, tampat pinoḷukadan i Allah kon umat-Nea naonda bo gombala noḷukad kon paanan in dombanea, iko in buibí mobaḻí ki iná in kotá in dodatuanmu ná dungkuḷmai.

HAGAI 2:7

Bayongan in bangusa in podoḻiokon-Kubí bo kapunyaan monia in diaandon mamangoi, dá Baḷoi-Ku in mopuḻing in kaoyúonan monia.

HAGAI 2:9

Baḷoi-Ku inta mobagu in mogagabí nongkon inta muna, bo kon naa Akuoi in mobogoi in kobiagan moodom bo kotomoman kon bangusa-Ku.” Ki Tuhan Inta Totok in mokawasa ain nosingog.

MALEAKHI 3:1

Tubag i Tuhan Inta Totok in mokawasa, “Akuoi in mopotabábí in totabá-Ku mita sin moposadia in daḷan bayáan-Ku. Dá baḷúdon in Akuoi, ki Tuhan inta sinayak monimu, in mamangoidon in Baḷoi-Ku. Totabá-Ku inta sinano-tanob monimu tatua in mamangoi bo mopotaau in dodandian-Ku.”

MARKUS 16:19

Naonda in ki Yesus nopaḷut nongonguman monia, Sia sinintakdon minayá in soroga. Kon tua, Sia momarenta takin i Allah.

KORINTUS 1 2:8

Diábí tobatúmai in pongawasa in dunia naa in nokotaau kon soaḷ kabijaksanaan tatua. Sin aka kinotaauandon monia, yo tantú diábí pinopopakú monia kon kayu pinoyotaḻempang in ki Tuhan inta momulia tua.

YAKOBUS 2:1

Utatku mita! Saḷaku intau inta mopirisaya kon i Tuhan Yesus Kristus, Tuhan naton inta Totok in Momulia, dá donaaibí in moiko mopoyo-poyoposi kon intau podudui in kaadaan kobobiag monia.

PETRUS 1 3:22

bo ain namonik in soroga. Bo tanaa mako Sia ain nongawasa noyotakin i Allah bo nomarenta doman kon bayongan malaekat, bayongan mongongawasa bo bayongan ropot kon dunia naa.

PETRUS 2 3:18

Umurandon kobiag in moiko kon bonu in totabi i Tuhan Yesus Kristus, Tuhan bo Mopoposaḷamat naton. Poramuji totok sinbá moiko modugangdon monotaau kon soaḷ Sia. Dinayo-dayowdon in ki Allah nongkon tanaa mako modapot in kopaḷutannea! Amin. Horomat nami, Ki Petrus

WAHYU 4:11

“O Tuhan, o Allah nami! Tongábí Iko in patus motarima kon dodayow, horomat bo kawasa. Sin Ikobí in nogaid kon bayongan in yagi-yagi, bo lantaranbí doman ibog-Mu dá bayongan in yagi-yagi tua ain nobaḻí bo nobiag.”