MAZMUR 24:2 - Alkitab Singog In Mongondow Masa In Tanaa

² Sia in nogukat kon dodoyonannea kon tudu in dagat, bo noposindog intua kon tudu in tubig inta noḻinow.

MAZMUR 24:2 Iomraidhean Croise

KINOBAḺIAN 8:22

Kon tungkuḷ in dunia naa oyúon, umuranbí oyúon in sempo monompinomuḷa bo monoḻisí kon bungai in pinomuḷa, oyúon in sempo in tumping bo sempo in patú, sempo in poninggai bo sempo in uagat, singgai bo doḷom.”

AYUB 38:4

Oyúondon degá in iko kon dodai in dunia naa inaidan-Ku? Aka totuu kon mopandoi in iko, potaaudon!

MAZMUR 136:6

Inukat-Nea in butá kon tudu in tubig; tabi-Nea in umuran mononoi.

MAZMUR 33:6

Ki Tuhan in nomarenta, dá nobaḻí in ḷangit; mata in singgai, buḷan bo tundi pinomia-Nea pinongin tosingogon-Nea.

MAZMUR 89:12

Ḷangit bo butá Iko in kitogi, dunia bo bayongan in tombonunea Iko in nomaḻí.

MAZMUR 93:1

Ki Tuhan in Datu; Sia in nogiḷambung in kamuliaan bo ropot. Dunia in sinimindog notorindog diábí modandú.

MAZMUR 95:4

Sia in nongawasa nodapot kon bayongan in inta moonag kon butá, nodapot in tudu mita in buḷud Siabí in kitogi.

MAZMUR 96:10

Potaa-taaudon mako kon bangusa mita, “Ki Tuhan tua in Datu! Butá morigon diábí kodandúan; Sia in mohakimbí kon bangusa mita takin moadil.”

YEREMIA 5:22

Akuoibí in ki Tuhan; nongonu sin diábí in moiko moondok kon i-Nakó? Mustibí in moiko mourot kon tayowon-Ku! Akuoibí inta ain nomia kon bingkí in dagat nobaḻí tonsigad in dagat inta diábí koḻimpatannea modapot in mononoi. Dagat in monomburábí bo bokoḷ in mondangatbí táe diábí mokoḻimpat kon tonsigad tatua.