MAZMUR 23:6 - Alkitab Singog In Mongondow Masa In Tanaa

⁶ Kinotaauanku kon Iko in mopiabí totok kon inakó, bo umuranbí motabi kon inakó. Dá motaaubí in akuoi mogutun kon Baḷoi-Mu kinoouput in kobiaganku.

MAZMUR 23:6 Iomraidhean Croise

MAZMUR 103:17

Táe ki Tuhan in umuranbí motabi kon intau inta motoguondok, kopopia-Nea in modapotbí kon adí bo ompu

MAZMUR 16:11

Sinundú-Mu kon inakó in daḷan kobiagan; kon ini-Mu akuoi mokouḻí kon pia in gina inta diá in poḻiuan bo pia in gina modapot in mononoi.

MAZMUR 17:15

Táe akuoi in imindoibí kon ini-Mu, sin akuoi in diá kotaḷá. Kon tungkuḷ in akuoi nobangon, kinoangoian-Mu nokoḷunganga kon ginaku.

MAZMUR 21:4

Iko in namangoi kon inia kodia-dia in barakat inta mobarong totok, bo nopoḷutud in mahkota buḷawan kon uḷunea.

MAZMUR 27:4

Tongábí tobatú in igumonku kon i Tuhan, tongábí naa in koibogku: mogutun kon Baḷoi Tuhan kinoouput in kobiaganku, sin motarima kon kopopia i Tuhan bo mopoigum sinbá kapiton-Nea.

KORINTUS 2 1:10

Ki Allahbí tua in noposaḷamat kon inami nongkon yoyiga inta mokopatoi tua. Bo inta moposaḷamat kon inami kon singgai moiduduimai naa, sin tongábí Sia in binaḻí nami oandoḷan. Kami in moyakin bidon kon sambayang mita monimu kon inami indongoganbí i Allah, sahingga in posaḷamaton-Neabí in kami nongkon bayongan inta mokobodito kon i nami. Ki Allah in umuranbí nobogoi in barakat kon inami sin umuran monimu sinambayangan. Tuamai nobayongdon totok in intau mosukur kon i Allah.

KORINTUS 2 5:1

Sin kinotaauanbí nami kon aka baḷoi – makusudnea awak naton – inta pinogutunan naton kon dunia naa bo rumbunon, yo posadiaanbí i Allah in kita kon baḷoi inta kon soroga. Tampat inta pinomia i Allah tontaní bo inta diá mogogu-goguyaat.

PILIPI 1:23

Doyowa norupa naa in morigugut kon bonu in ginaku. Moibogdon in akuoi monaḷámai kon dunia naa bo mayá mogutun takin i Kristus, sin tuabí inta totok in mopia;

TIMOTIUS 2 4:18

Totuubí kon ki Tuhan in momilatbí kon inakó nongkon bayongan tomayá moraat, sahingga in diaan-Neabí in akuoi tumuot kon dodatuan-Nea kon soroga takin saḷamat. Tuamai in tantúbí dayow in Sia modapot in kopaḷutan dunia naa! Amin.