MAZMUR 22:12 - Alkitab Singog In Mongondow Masa In Tanaa

¹² Dikabí yumayú, sin anib in nodiugdon, bo diá in motuḷung.

MAZMUR 22:12 Iomraidhean Croise

MAZMUR 35:22

Táe Iko, Tuhan, ain nokoontong kon tua; dikabí kaasí tongá kibio-biómai, o Tuhan, dikabí mokopoyayú kon inakó.

MAZMUR 38:22

O Tuhan, dika taḷaanmai in akuoi, dika yumayú kon inakó, o Allahku.

MAZMUR 40:14

O Tuhan, posaḷamatpa kaasí in akuoi, Tuhan ḷagidon tuḷungai in akuoi!

MAZMUR 68:30

Datu mita in nodia kon sosumba kon ini-Mu kon Baḷoi-Mu kon Yerusalem.

MAZMUR 69:18

Dikabí mogadop kon mogogundoi-Mu naa, sin moyoyigadon totok in akuoi, ḷagidon tuḷungai mangoi in akuoi.

MAZMUR 7:3

Dika pomayá mako in mosia naonda bo singa modomok bo mopomorot kon inakó bo diá in motuḷung kon inakó.

MAZMUR 70:2

O Allah, posaḷamatdon in akuoi, Tuhan, ḷagidon tuḷungai kaasí in akuoi!

YESAYA 34:7

Intau mita in matoibí naonda bo sapi kaḻig bo sapi batánea. Ḻipú monia in mopuradon in dugú bo mopuḻing in ḷongó.

YEREMIA 50:11

Ki Tuhan in noguman, “Ei intau in Babel, moiko in nogagow kon umat-Ku. Moiko in ḷumansi-ḷansik sin mopia in gina naonda bo kabaḷo inta kumurik, bo naonda bo sapi inta koyogot in mokaan kon bonok.

YEHEZKIEL 39:18

Mosia in motaaubí in mokaan kon mayat mita in intau mita in pahlawan, bo monginum kon dugú in mongongawasa mita in dunia. Pahlawan mita bo mongongawasa tatua in ḻimodonbí naonda bo bembé mita koḷakian andeka ki adí mita in bembé, andeka bantong mita inta moḷomumu.

MATIUS 27:1

Naonda in modiugdon mobayag, bayongan imang itoi bo guhanga in ḻipú intau in Yahudi noyosipun bo nonantúdon kon moḻimod kon i Yesus.

OUMAN IN RASUL MITA 4:27

Sin totuubí kon ki Herodes bo ki Pontius Pilatus aindon noyosipun kon kotá tanaa takin intau mita inta diá nonotaau kon i Tuhan bo intau mita in Israel sin moḷawang kon i Yesus, simpaḷ-Mu inta ain piniḻí-Mu bo inta kinoibog-Mu.