MAZMUR 21:5 - Alkitab Singog In Mongondow Masa In Tanaa

⁵ Sia in nopoigum in kobiagan, bo inogoi-Mu doman kon inia, nodapot in umur moḷanggó modapot in mononoi.

MAZMUR 21:5 Iomraidhean Croise

SAMUEL 2 7:19

Nodapot in Iko nomia kon noiḻiubí totok nongkon tua, o Tuhan Inta Totok in Moḷantud; Iko ain nomia kon dandi kon buíku inta kobayáan kon singgai moiduduimai. Bo pinoontong-Mu intua kon inakó, umpakabí akuoi naa in tongá intau, o Tuhan Inta Totok in Moḷantud!

DATU MITA IMITÁNEA 3:14

Bo aka iko naonda bo ki amámu ki Daud, motoindudui kon i-Nakó takin dumudui kon bayongan in hukum-Ku, yo ogoian-Ku in iko in kobiagan inta moonggot.”

TAWARIKH 1 17:27

Tuamai, in poigumonku, barakataidon kaasí in buíku sinbá moidapot in mononoi mosia umuran mokorasa kon tabi-Mu. Sin, Iko in nomarakatdon kon umat-Mu, o Tuhan, dá mosia in umuranbí barakatan moidapot in mononoi.”

MAZMUR 110:1

Mazmur i Daud. Ki Tuhan in noguman kon i tuangku, “Ḻitúdon kon dotá in koḷanan-Ku, modapot in musungmu mita potungkudon-Ku kon inimu.”

MAZMUR 133:3

Andeka naonda bo oḷú kon Buḷud in Hermon, inta noiḻig monag kon tombuḷud mita in Sion. Kon tuata in popoangoian i Tuhan in barakat-Nea, kobiagan modapot in mononoi.

MAZMUR 3:3

Nobarong in noguman kon ki Allah in doí motuḷung kon inakó.

MAZMUR 61:7

Igumon mako ki datu moumur in kobiagan, dá mobiag in sia modapot in inanakan.

MAZMUR 62:7

Tongábí Sia in mogoḻiung bo moposaḷamat kon inakó; Sia in mododuḷuku, diábí in akuoi motundan.

MAZMUR 8:5

yo onubí degá in intau tua, nodapot in sinorop-Mu in sia, ki ine in sia, dá iḷukadan-Mu?

MAZMUR 96:6

Sia in iḻibubí in koagungan bo kamuliaan, Baḷoi-Nea in nopuḻingbí in kawasa bo kogogaga.

YESAYA 63:1

“Ki ine in sia inta namangoi nongkon Bozra kon Edom? Ḷambungnea in nopura, pakeangnea in mopouḻi-uḻinag; sia in ḷumampang takin motorindog mako.” “Akuoibí in ki Tuhan inta mokoposaḷamat bo mamangoi modia kon habar kountungan.”

MATIUS 28:18

Dá ki Yesus in dinimiug kon i monia bo noguman, “Akuoi in inogoiandon in bayongan kawasa kon soroga bo kon dunia.

YOHANES 17:1

Nopaḷut mako nosingog kon tua, ki Yesus iḷumangag kon ḷangit bo noguman, “Amá, naadon in wakutunea. Poḷantudon in ki Adí-Mu, sinbá ki Adí-Mu in mopoḷantud doman kon i Amá.

YOHANES 17:22

Mosia inogoian-Kudon in kamuliaan inta inogoi i Amá kon i-Nakó, sinbá mosia in motobatúdon naonda bo Kita ain notobatú.

YOHANES 17:5

Amá! Pomuliadon in Akuoi in tanaa mako kon tayowon-Mu, takin kamuliaan inta kon i-Nakó wakutu in noyotakin i Amá kon dodai in dunia naa diápa binaḻí.

IBRANI 8:1

Naabí in pangkoi totok onu in inouman naton: Oyúondon in Imang Moḷoben naton ná tatua inta iḻimitú nomarenta noyotakin i Allah inta totok Momulia kon soroga.

PETRUS 1 3:22

bo ain namonik in soroga. Bo tanaa mako Sia ain nongawasa noyotakin i Allah bo nomarenta doman kon bayongan malaekat, bayongan mongongawasa bo bayongan ropot kon dunia naa.