MAZMUR 21:4 - Alkitab Singog In Mongondow Masa In Tanaa

⁴ Iko in namangoi kon inia kodia-dia in barakat inta mobarong totok, bo nopoḷutud in mahkota buḷawan kon uḷunea.

MAZMUR 21:4 Iomraidhean Croise

DATU MITA IMITÁNEA 2:33

Hukuman popisí in kinopatoian in porwira doyowa tatua in ki Yoabdon bo buínea in umuran mobaba. Táe bayongan buí i amáku inta mobaḻí datu, in umuranbí barakatan i Tuhan – mosia in mobiagbí motompia.”

DATU MITA IMITÁNEA 2:45

táe akuoi in barakatan-Neabí bo dodatuan i amáku in umuranbí irigonan-Nea.”

DATU MITA 2 11:12

Nopaḷut mako kon tua ki Yoyada in nodia mangoi kon i Yoas, bo pinopo bongkowan in mahkota in datu kon uḷunea, bo inogoian in buk in sia Hukum i Allah. Ki Yoas in dinuí nobaḻí datu bo tua in pinotaaudon kon bayongan in rayat. Komintan nonggoḷokap bo norogiow, “Kobiag datu!”

MAZMUR 119:175

Biódon mako akuoi in mobiag, sinbá akuoi in modayow kon ini-Mu, igumon mako atorang-Mu mita motuḷung kon inakó.

MAZMUR 119:77

Kotabipa kaasí in akuoi, dá umuran mobiag in akuoi, sin hukum-Mu in mokosanang kon ginaku.

MAZMUR 13:3

Modapot in toonu in akuoi musti mobaba kon roriga, bo moajar in gina kinoouput in singgai? Modapot in toonu akuoi kawasaan in musung?

MAZMUR 133:3

Andeka naonda bo oḷú kon Buḷud in Hermon, inta noiḻig monag kon tombuḷud mita in Sion. Kon tuata in popoangoian i Tuhan in barakat-Nea, kobiagan modapot in mononoi.

MAZMUR 72:17

Igumon mako ki datu in umuran tano-tano bo modapot in mononoi, bo sia in modugangdon totok tango-tangoion kon tungkuḷ in mata in singgai tantúpa oyúon. Igumon mako bangusa mita in mopoigum in barakat naonda bo sia, bo bayongan in intau moguman kon mosanang totok in sia.

MAZMUR 89:29

Sia in tantúbí kotabi-Ku modapot in mononoi, dodandian-Ku takinnea in umuranbí morigon.

MAZMUR 91:16

Sia in pooropon-Kubí in umur moḷanggó, bo posaḷamaton-Ku.”

ZAKHARIA 6:13

Siabí tua inta bain moposindog in Baḷoi-Ku bo motarima kon kahoromatan naonda bo datu tobatú, bo sia in momarenta kon rayatnea. Imang tobatú in umapidbí kon inia bo mosia in mogaidon moyotakin takin pia-pia mako.’

WAHYU 1:18

Akuoi naa in Sia inta nobiag tua! Akuoi ain minatoi, táe indoiaika, Akuoi in nobiagbí bo diá bidon mato-matoi. Popatoi bo dunia in intau minatoi kon bonu bidon in kawasa-Ku.