MAZMUR 20:6 - Alkitab Singog In Mongondow Masa In Tanaa

⁶ Dá kami in morogiow takin pia in gina sin iko in nountung, bo motonggó kon bandera mita sin modayow kon i Allah naton. Igumon mako ki Tuhan in mobogoi kon bayongan inta pinoigummu.

MAZMUR 20:6 Iomraidhean Croise

DATU MITA IMITÁNEA 8:43

yo igumon mako in nongkon tampat-Mu kon soroga moibogpa in Iko mokidongog kon sambayangnea bo mobogoipa doman kon onu inta pinoigumnea. Pongin natua dá bayongan in bangusa kon dunia naa in monotaaudon kon ini-Mu bo motoindudui kon ini-Mu ná umat-Mu Israel. Kotaauandon monia kon baḷoi inta pinosindogku tanaa in tampatbí pososumbaan kon ini-Mu.

MAZMUR 17:7

Poontongdon in tabi-Mu inta mokoherang sin pinosaḷamat-Mu in intau inta namangoi kon ini-Mu, kon diug-Mu moioḻingoi in mosia nongkon ponubuan in musung.

MAZMUR 18:35

Sinundú-Nea in akuoi moparang, dá motaaudon in akuoi momadang kon puḷu in piot inta totok in moropot.

MAZMUR 18:50

Dá pinomuliaku in Iko kon sigad in bangusa mita, bo akuoi in nopoyaput in dondong dodayow kon ini-Mu.

MAZMUR 2:2

Datu mita in dunia simindog moyododai bo inta mongogawasa mita moyopakat moḷawang kon i Tuhan bo datu inta piniḻí-Nea.

MAZMUR 28:8

Ki Tuhan in nobogoi in ropot kon umat-Nea, Sia in noduḷu bo noposaḷamat kon datu inta piniḻí-Nea.

MAZMUR 41:11

Kotabipa kaasí in akuoi, o Tuhan, undamaipa in akuoi, sinbá akuoi motaau motuḻí kon aid moraat in saturuku mita.

MAZMUR 9:15

sinbá akuoi in modayow kon ini-Mu kon tayowon in intau mita in Yerusalem. Akuoi in monggoḷakapbí takin pia in gina sin Iko in noposaḷamat kon inakó.

YESAYA 57:15

Sin nanaa in guman i Allah, Inta Totok in moḷantud bo mokudus, inta nongawasa modapot in mononoi, “Akuoi in nogutun kon tampat inta moḷantud bo inta motusi, táe kon yua-yuakbí doman in intau mita inta moompá in dodia bo inta nomanasaḷ in nogaid kon dosanea mita, sin mopoguḻí bui kon ibog bo kamang monia.

YESAYA 58:9

Aka moiko mosambayang, indongogan-Ku intua. Aka moiko mokuani kon i-Nakó, tubagan-Ku. Dikadon bui mondorot kon tumpaḷa intau, gogaiaidon in sosaturuan bo tapud.

YESAYA 63:15

O Tuhan, indoiaidon nongkon soroga, nongkon tampat-Mu inta motusi bo momulia. Kon onda in tabi bo kotorindog-Mu? Kon onda degá in gina-Mu inta kinoaputan in totabi-Mu? Dikadon tahangon-Mu in gina-Mu kon inami.

MIKHA 4:5

Bayongan in bangusa kon dunia naa in mosumba bo motoindudui kon dewanea tontaní. Táe kita in motoinduduibí kon i Tuhan Allah naton bo mosumba kon i-Nia modapot in mononoi.

MATIUS 6:9

Tuamai aka moiko bo mosambayang yo singogdon naa: ‘O Allah, Amá nami inta kon soroga, tongábí Iko in ki Allah inta sinumba bo inta dayo-dayowon nami.

OUMAN IN RASUL MITA 2:33

Sia biningkat bo inogoian in tampat pomomarentaan inta moḷantud, bo inogoian i Allah in kawasa, bo notarima kon Roho i Allah inta ain pinodandi tua, bo Roho doman tatua in inogoi-Nea kon inami naa, tuata inta inontong bo dinongog monimu kon naa,

OUMAN IN RASUL MITA 2:36

Manangka intua bayongan in intau Israel in musti monotaau totok kon ki Yesus inta ain pinopopakú monimu kon kayu pinoyotaḻempang binaḻí bidon i Allah Tuhan bo Datu Mopoposaḷamat!”

OUMAN IN RASUL MITA 4:10

dá tanaa in pogumankudon kon i monimu bo kon bayongan intau in Israel, kon intau tanaa in nokosindogdon bo nosehatdon in indoian mako monimu popisí in ropot bo kawasa i Yesus Kristus intau in Nazaret inta ain pinopopakú monimu kon kayu pinoyotaḻempang, táe bui biniag i Allah in Sia nongkon sigad in intau minatoi.

OUMAN IN RASUL MITA 5:31

Ki Yesusbí tua inta ain inogoian ḷoḻitúan bo kawasa moḷantud saḷaku Itoi bo Mopoposaḷamat, sinbá intau in Israel ogoian in wakutu mogogai in mogaid kon dosa, bá ampungan in mosia.