MAZMUR 20:5 - Alkitab Singog In Mongondow Masa In Tanaa

⁵ Igumon mako ogoi-Nea in bayongan inta kinoibogmu, bo mopomia sinbá bayongan in tomayámu kodapotan.

MAZMUR 20:5 Iomraidhean Croise

MAZMUR 118:15

Indongogaidon in giow kinountungan kon ḷoḷaigan mita in umat-Nea, “Ki Tuhan in nopoontongdon in kotorindog-Nea!

MAZMUR 13:5

Dika pomayá mako in musungku in moguman kon mosia in nonaḷowdon kon inakó. Dikabí pomayá mako in akuoi goḷokapan monia.

MAZMUR 19:4

Diábí in mongonguman andeka mongunsingog, diábí in singog in kodongogan.

MAZMUR 21:1

Kon i itoi in mododondong. Mazmur i Daud.

MAZMUR 21:3

Dinuduian-Mu in onu inta kinoibog in ginanea, bo nobogoi kon onu inta inigumnea.

MAZMUR 35:9

Dá moḷunganga in ginaku popisí in ki Tuhan, mopia in ginaku sin Sia in noposaḷamat kon inakó.

MAZMUR 60:4

Iko in nodandú kon butá dá noḷau; tompiadon in inta nongobotak, popisí in butá nodandú.

MAZMUR 9:14

Indoiaidon kaasí, musung mopororiga kon inakó; kotabipa kaasí in akuoi o Tuhan, popoḷaguipa in akuoi nongkon popatoi,

IḶUAIAN 17:15

Bo ki Musa noposindog in mezbah tobatú bo sinangoiannea “Ki Tuhan in Banderaku.”

YESAYA 11:10

Moiangoibí in wakutunea datu tobatú buí i Daud in tantú tontongan in bangusa mita. Mosia in mamangoibí kon inia, bo pogogutunannea in tango-tangoionbí.

YESAYA 25:9

Kon dodai intua intau in mogumanbí, “Totuubí, Siabí in ki Allah naton; Siabí inta inoḷat mako naton, sinbá kita in posaḷamaton. Totuu, naabí in ki Tuhan; Siabí inta inoḷat mako naton. Tanaaya kita in morogiow mopia in gina, sin Sia in noposaḷamatdon kon inaton.”

YESAYA 61:10

Yerusalem in noguman, “Moḷunganga in ginaku popisí in ki Tuhan, ginaku in mosanang sin ki Allah. Naonda bo nonikaan ḷoḷaki bo bobay nopogiḷambá in inta mongogaga, natuata in pinopopaké i Tuhan kon inakó ḷambung kasaḷamatan bo kountungan.

MIKHA 4:5

Bayongan in bangusa kon dunia naa in mosumba bo motoindudui kon dewanea tontaní. Táe kita in motoinduduibí kon i Tuhan Allah naton bo mosumba kon i-Nia modapot in mononoi.

HABAKUK 3:18

ginaku in umuranbí moḷunganga, sin Iko in ki Tuhan mopoposaḷamatku.

LUKAS 1:47

bo mopia totok in ginaku sin ki Allah in mopoposaḷamatku.

SAMUEL 1 1:17

Bo ki Eli in noguman, “Aka natua yo pobuidon takin saḷamat. Igumon mako ki Allah in Israel mokidongog kon onu in pinoigummu.”

SAMUEL 1 17:45

Táe ki Daud in notubag, “Iko nion in namangoi moḷawang kon inakó takin momaké in kedang, pandong bo ginubat, táe akuoi in namangoi moḷawang kon inimu takin tangoi i Tuhan Inta Totok in Mokawasa, ki Allah in tontara in Israel inta siningkuḻemu tua.