MAZMUR 20:2 - Alkitab Singog In Mongondow Masa In Tanaa

² Igumon mako ki Tuhan in motubag kon inimu kon dodai in koantugan in roriga, igumon mako kawasa i Allah i Yakub moḷukad kon inimu!

MAZMUR 20:2 Iomraidhean Croise

SAMUEL 2 5:7

Ki Daud in noguman kon intaunea, “Oyúon degá in kon naa in intau inta mobú kon intau in Yebus ná doman akuoi mobú kon i monia? Mobúdon totok degá in sia modapot in sia moibogdon totok moḻimod kon i monia? Aka natua, tuotdon mongin daḷan in tubig bo tubudon in intau mita inta nosedó bo nobilog inta kinobúmu tua.” (Tuamai intau nosingog, “Intau bilog bo intau nosedó diábí motaau in tumuot kon Baḷoi i Tuhan.”) Ki Daud nokoḷongasi nogagow kon poḷoḷukadan in Sion bo iḻitúannea. Sinangoiannea “Kotá i Daud.” Kotá tatua pinosindognea kon ḻibu in poḷoḷukadan tatua, pinangkoi nongkon dotá in pomukaan kon buḷud inta sinuod pinomonturungan kon butá.

SAMUEL 2 6:17

Poti in Dodandian tatua in inukat kon tampatnea kon bonu in ḷoḷaigan inta pinosindog i Daud sin pogukatan kon Poti tatua. Onda intua ki Daud noposumba in kuruban dodamean kon i Tuhan.

DATU MITA IMITÁNEA 6:16

Kon bonu in baḷoi tatua, kon dotá in tumi pinomiaan kon gopot takin pinomiaan kon dinding pinonigad nongkon kayu ḷokuyú, pinangkoi kon taḷog nodapot kon ḷuntung. Gopot tatua in sinangoian Yuang Totok in Motusi; kobanatnea in siow nometer.

MAZMUR 3:4

Táe Iko, o Tuhan, in kaḻeaw inta mogoḻingoi kon inakó. Pinopountung-Mu in akuoi, bo iniyotonan-Mu in ginaku.

MAZMUR 54:3

O Allah, posaḷamatdon in akuoi pongin kawasa-Mu, ogoiaidon in inta moadil kon inakó podoyon kon ropot-Mu.

MAZMUR 73:17

Imbuitnea sinumuot in akuoi kon Baḷoi i Tuhan, bo kinomangaḻeankudon in imbuit in intau moraat.

AMSAL 18:10

Ki Tuhan tua in notongkaibí in ḷangkeang inta moropot; kon tua in bayáan in intau motuḻid bo mokouḻí kon tampat inta moaman.

YESAYA 12:6

Ponggoḷokapdon ei intau mita in Sion, podondongdon takin sanang in gina. Ki Allah mokudus in israel totuu kon momulia, Sia in nogutun kon yua-yuak monimu.”

YESAYA 14:32

Onu in potubag naton kon totabá mita inta namangoi nongkon bangusa in Pilistin? Kita in mopotaau kon i monia kon ki Tuhan ain noposindog in Sion, bo umat-Nea inta nororiga in ḷukadanbí kon tua.