MAZMUR 2:2 - Alkitab Singog In Mongondow Masa In Tanaa

² Datu mita in dunia simindog moyododai bo inta mongogawasa mita moyopakat moḷawang kon i Tuhan bo datu inta piniḻí-Nea.

MAZMUR 2:2 Iomraidhean Croise

MAZMUR 110:5

Ki Tuhan in kon dotá in koḷananmu, aka Sia bo tumorú yo datu mita in taḷowon-Neabí.

MAZMUR 2:10

Dá taridiai, ei datu mita, tano-tanobka, ei mongongawasa mita kon dunia!

MAZMUR 45:7

Ki Allah in nobogoi in kawasa kon inimu momarenta, kawasa-Mu in modapotbí in mononoi; pinodoyon kon inta moadil iko in momarenta kon rayatmu.

MAZMUR 48:4

Ki Allah in nogutun kon komaḻig-Nea mita, noniata magí Siabí tontaní in moḷoḷukad-Nea.

MAZMUR 48:5

Indoiaika, datu mita in moyosipun; mosia in mamangoi sin moibog monubu.

MAZMUR 74:18

Toropdon naonda in pinononingkuḻe in musung kon ini-Mu, o Tuhan, bangusa inta diá nonotaau kon ini-Mu nohojat kon tangoi-Mu.

MAZMUR 74:23

Dika koḻiongan in kokow in musung-Mu mita, dowawá in ḷawang-mu mita modugangdon moropot!

MAZMUR 83:6

Bangusa mita in notobatúdon, bo noyopakat monayow kon ini-Mu:

MAZMUR 89:20

Dungkuḷmai kon bonu in oontongon tobatú, Iko in noguman kon mogogundoi-Mu inta motoḷutui, “Akuoi ain notuḷung kon pahlawan tobatú, intau tobatú inta piniḻí-Ku nongkon rayat inta ain pinoḷantud-Ku.

IḶUAIAN 16:7

Ikoḷom doḷo-doḷom moiko in mokoontongdon kon sindar koangoian i Tuhan. Dinongogdon i Tuhan kon moiko sinumorú kon i-Nia; Oo kon i Tuhan, sin kami naa i tongábí nogaid kon onu in pinarenta-Nea.

AMSAL 21:30

Diábí in hikmat, bo pomomangaḻe andeka kobobijaksana inta mononoi kon tayowon in Tuhan.

YESAYA 61:1

Kawasa i Tuhan Inta Totok in Moḷantud oyúon kon inakó; Sia in nomiḻí bo nopotabá kon inakó sin modia kon habar mopia kon intau nobogá bo moḻipoi kon intau inta nokuyang in ginanea, sin mopotaau kon intau inta sinokodakop kon mosia in ḷagidon poḷuaton, bo kon intau mita kon bonu in ponjara kon mosia in ḷagidon poḷuaion.

MATIUS 2:16

Naonda in kinotaauan i Herodes kon sia aindon inakaḷan in intau mita in Mayusi tatua, sinumorú totok in sia. Manangka intua pinoki ḻimodnea in bayongan adí kon Betlehem bo kon ḻipú inta noyodiugneamai. Bayongan in adí inta nodapot in umur doyowa notaong, tua in sinantúnea podudui wakutu inta kinotaauannea nongkon intau mita in Mayusi tua.

MATIUS 26:3

Kon dodai intua imang mita itoi bo guhanga mita in ḻipú intau Yahudi noyosipun kon palas i Kayapas, imang moḷoben.

MATIUS 26:59

Imang mita itoi bo bayongan in Sidang Agama moḷongasi motayak kon taḷá-Nea, sinbá baḻíon dodoyonan pohukuman kon i-Nia modapot in matoi.

MATIUS 27:1

Naonda in modiugdon mobayag, bayongan imang itoi bo guhanga in ḻipú intau in Yahudi noyosipun bo nonantúdon kon moḻimod kon i Yesus.

LUKAS 13:31

Kon wakutu intua tongonumai degá intau in Parisi namangoi bo noguman kon i Yesus, “Bayádon! Taḷaaidon in tampat tanaa! Bayádon in tampat ibanea mako, sin ki Herodes in monomayá mako moḻimod kon ini-Mu.”

YOHANES 1:41

Dá ki Andreas in ḷagi notayak kon i Simon ki utatnea bo noguman kon inia, “Kami ain noyodungkuḷ i Mesias!” (Mesias notongkai in Kristus: Datu Mopoposaḷamat.)

YOHANES 15:23

Intau inta mosaturu kon i-Nakó, yo mosaturu doman kon i Amá-Ku.

YOHANES 3:34

Sin ki ine in pinotabá i Allah, dá siabí tua in mopoyaput in pirman i Allah, sin sia in kinawasa bidon in Roho i Allah.

OUMAN IN RASUL MITA 10:38

Bo kinotaauanbí domandon monimu kon ki Allah ain nomiḻí kon i Yesus intau in Nazaret tua bo nobogoi kon i-Nia in Roho i Allah bo kawasa. Kinotaauan domandon monimu kon ki Yesus tuata inta minayá in ḻipu-ḻipúannea bo nogaid kon inta mopia poḷat nongundam kon bayongan in intau inta kinawasa in Ibilis, sin ki Allah in umuran kotaki-takin-Nea.

OUMAN IN RASUL MITA 9:4

Dá noumpag in sia kon butá bo dinongognea in singog noguman nanaa kon inia, “Saulus, Saulus! Nongonu sin momogutúbí in iko kon i-Nakó?”

IBRANI 1:9

Inta moadil in koibog-Mu bo inta motombogá in kodoí-Mu; Manangka intua ki Allah, Allah-Mu in nomiḻí kon ini-Mu; bo nobogoi in kahoromatan inta mokopoangoi kon ḷunganga in gina inta moiḻiu kon yobayat-Mu mita.”