MAZMUR 2:12 - Alkitab Singog In Mongondow Masa In Tanaa

¹² Tungkudon kon tayowon-Nea takin urot, dika modapot in ki Tuhan tumorú bo moiko in baḷunea putúan, sin torú-Nea baḷúdon modokot. Pia in kamang in intau inta moniung kon i Tuhan!

MAZMUR 2:12 Iomraidhean Croise

KINOBAḺIAN 41:40

Iko in baḻíonku gubernur, bo bayongan rayatku in dumuduibí kon parentamu. Tongábí kawasaku tontaní in kon naa in moḷantu-ḷantud nongkon kawasamu.”

DATU MITA IMITÁNEA 19:18

Táe 7.000 in intau in Israel in posaḷamaton-Kubí, mosia inta umuran mosatia kon i-nakó bo inta diá kon dodai in onda in sinumungkud nosumba kon patong i Baal andeka mongayok kon tua.”

MAZMUR 1:6

Sin intau inta motoindudui in kapiton bo ḷukadan i Tuhan, táe intau moraat in mongindaḷan inta mokobodito.

MAZMUR 109:20

Tuhan, popoḷabúdon in hukuman kon i inta mopoponapud kon inakó, kon intau inta moguman kon uboḷ soaḷ akuoi.

MAZMUR 2:5

Bo mosia in sinorúan-Nea, bo sinaḻikokogan in torú-Nea.

MAZMUR 2:7

Guman i datu, “Akuoi in moibog mopotaau in onu inta ain sinantú i Tuhan. Guman-Nea kon inakó, ‘Iko in ki adí-Ku ḷoḷaki, singgai in naa Akuoi in nobaḻí ki Amámu.

MAZMUR 31:20

Totuu mobayong in tabi-Mu inta sinadia-Mu kon intau inta mopirisaya! Pomuḷoi in intau mokoontong kon kopopia inta pinomia-Mu, kon i monia inta nokioḻingoi kon ini-Mu.

MAZMUR 34:8

Malaekat i Tuhan in moḷukad kon intau inta mopirisaya, bo mopoḷuat kon i monia nongkon anib.

MAZMUR 34:9

Nanamaidon tontaní naonda in kopopia i Tuhan, pia in kamang in intau inta namangoi kon i-Nia.

MAZMUR 40:4

Sinundú-Nea in akuoi nopodondong in dondong mobagu, dondong dodayow kon i Allah naton. Nobayong in intau in nokoontong bo inagían in ondok, bo nopirisaya kon i Tuhan.

MAZMUR 84:12

Sin ki Tuhan Allah in moḷoḷukad naton bo datu inta moḷantud, inta noponotabi kon inaton in tabi bo kahoromatan. Sia in diábí kon dodai in onda in nondoí kon onuka in mopia kon intau inta kobobiagnea diá in bogit.

AMSAL 16:20

Taridi in onu inta ain sinundú kon inimu, dá iko in mokouḻíbí kon onu inta mopia. Popirisaya kon i Tuhan, dá mosanangbí in iko.

YESAYA 30:18

Umpaka natua, ki Tuhan in mogoḷatbí mako kon wakutunea mopoontong in totabi-Nea kon inimu. Sia in tantúbí nosadia in monotabi kon inimu. Sin ki Tuhan in Allah inta nogaid kon onu inta noitutui. Pia in kamang in intau inta inumandoḷ mako kon i-Nia.

YEREMIA 17:7

Táe intau inta umandoḷ kon i-Nakó in umuran barakatan-Ku.

HOSEA 13:2

Dapot in tanaa intau mita in Epraim tatua in tantúpa doman mogaid kon dosa; mosia in mogaid kon patong mita saḷaka sin sumbáan – patong inta sinomayá in raian in intau bo inta pinomia in ḻima in intau. Mosia in noguman, “Posumbadon in kuruban kon patong mita tanaa!” Mokoherang, intau in mongayok kon patong in ki adí in sapi!

ZEPANYA 2:2

kon dodai in moiko diápa moḷaḷow bo moingkag naonda bo bungang! Koinsapdon kon dodai in diápa moiangoi in singgai torú i Tuhan, bo moiko in kotugatan in torú i Tuhan inta mopodoko-dokot tatua.

YOHANES 14:6

Ki Yesus in notubag, “Akuoibí naa in daḷan kon monotaau kon i Allah bo mokouḻí kon kobiagan. Diábí in tobatúmai intau in mokoyaput kon i Amá, aka diá mongin i-Nakó.

YOHANES 5:23

Pinomia i Amá intua sinbá bayongan in intau mohoromat kon i Adí ná mosia in mohoromat kon i Amá. Intau inta diá mohoromat kon Adí in diábí doman mohoromat kon i Amá inta nopotabá mangoi kon i Adí.

SURAT I PAULUS KON JAMAAT RUM 10:11

Kon bonu in Buk Motusi ain pinais nanaa, “Intau inta mopirisaya kon i-Nia in diábí pokopooyáanmai.”

SURAT I PAULUS KON JAMAAT RUM 9:33

Kon Buk Motusi ain pinais nanaa soaḷ batu tatua, “Tarukiradon in naa: Ain inukatan-Ku in Sion tobatú batu inta mokopopisí kon intau moipintud; tobatú batu moḷoben inta mokopopisí kon intau moidompaḷak. Táe intau inta mopirisaya kon i-Nia in diábí pokopooyáan-Neamai.”

EPESUS 1:12

Koḻigai in kita inta muna-munamai moharap kon i Kristus, modayow kon i Allah sin oaidan-Nea inta totok in moḷoben!

PETRUS 1 1:21

Sia in pinopodoyonan in pirisaya monimu kon i Allah inta ain nomiag bui kon i-Nia. Dá ki Allahbí in pinirisaya monimu bo ki Allahbí doman in pinopoandoḷan monimu in harapan.

PETRUS 1 2:6

Sin kon bonu in Buk Motusi ain pinais nanaa, “Akuoi ain nomiḻí kon tobatú batu inta totok koboḻi, inta sinampat-Ku kon Sion bo binaḻí-Kudon batu inta totok in moponting; bo intau inta mopirisaya kon i-Nia, diábí pokopooyáanmai.”

SAMUEL 1 10:1

Onda intua ki Samuel nogamá kon kendi inta kon bonu in ḷana zaitun, bo ḷana zaitun tatua pinopobutak kon uḷu i Saul, bo inayokannea in ki Saul poḷat noguman, “Ki Tuhan ain nopobaḻí kon inimu datu kon Israel umat-Nea. Iko in momarentabí kon umat-Nea bo moḷukad kon i monia nongkon musung mita monia. Naa in mobaḻí tomponuot kon inimu kon ki Tuhan in nomiḻídon kon inimu mobaḻí datu kon Israel umat-Nea: