MAZMUR 2:1 - Alkitab Singog In Mongondow Masa In Tanaa

¹ Nongonu sin bangusa mita in momiabí kon ropatoi bo suku mita in bangusa monomayábí kon inta diá in mangaḻenea?

MAZMUR 2:1 Iomraidhean Croise

MAZMUR 18:42

Kinumarak in mosia, táe diá in notuḷung, mosia in nokuani kon i Tuhan, táe diábí sinubagan-Nea.

MAZMUR 21:11

Nongkon buí monia diá in kinotaḻiban, ki datu in moyompatbí kon i monia komintan.

MAZMUR 46:6

Ki Allah in nogutun kon tua, dá kotá tatua in diábí moinggamá; Tuḷungan-Neabí kon dodai in modiugdon mobayag.

MAZMUR 46:7

Ki Allah in nonggotup, dá dunia in norimumudon totok; bangusa mita in modoḻiok, dodatuan mita noobat.

MAZMUR 57:9

Ei pobangondon, in dimukudku! Ei pobangondon, gambus bo kecapi! Akuoi in moibogbí mopobangon kon mata in singgai.

MAZMUR 74:23

Dika koḻiongan in kokow in musung-Mu mita, dowawá in ḷawang-mu mita modugangdon moropot!

MAZMUR 83:3

Indoiaika, musung-Mu norosadiadon, intau mita inta nondoí kon ini-Mu nomarontak.

YESAYA 8:9

Poyosipundon takin urot, ei bayongan bangusa! Indongogaidon ei popod mita in butá! Posadiadon moparang, táe takin gina inta mourot! Oo, posadiadon, táe takin urot!

MATIUS 21:38

Táe naonda inontong in mototomoyó mita tatua in ki adínea tatua, mosia noguman, ‘Sia naa inta mowaris kon gobá tanaa, maní bo ḻimodon naton sia, sinbá gobá tanaa moiḷabúdon kon i naton!’

LUKAS 18:32

Sia in posarakandon kon intau mita inta diá nonotaau kon i Allah, poyambáon monia in sia, singkuḻeon bo duyáan monia.

LUKAS 22:5

Nopia totok in gina in intau mita tatua, dá dinandi monia kon ogoian monia in doit in sia.

OUMAN IN RASUL MITA 16:22

Intau moantó kon tua in sinumakin doman moponapud in uboḷ kon i nayadua tua. Dá pomarenta mita tatua in nomera-merak kon ḷambung nayadua poḷat pinoki sambok kon intau mita kon tua.

OUMAN IN RASUL MITA 5:33

Nokodongogmai kon tua, totok in mosia sinumorú, dá ibogon monia ḻimodonbí in rasul mita tatua.

WAHYU 17:14

Mosia in noyopakat kon moparang kon i Adí in Domba tatua. Táe ki Adí in domba tatua takin dumodudui-Nea mita inta mosatia bo inta ain inoiní bo piniḻí-Nea tatua in monaḷow kon datu mita tatua, sin Siata in Tuang in bayongan tuang, bo Datu in bayongan datu.”