MAZMUR 19:8 - Alkitab Singog In Mongondow Masa In Tanaa

⁸ Hukum i Tuhan tua in motomoman, mokosanang kon dimukud. Parenta i Tuhan motaau pirisayaan, mobogoi in hikmat kon intau inta diá kopongalaman.

MAZMUR 19:8 Iomraidhean Croise

KINOBAḺIAN 26:5

Akuoi in momarakatbí kon i monimu, sin ki Abraham ain dinumudui totu-totuu kon i-Nakó bo noḷukadon kon bayongan hukum bo parenta-Ku.”

DATU MITA 2 17:37

Umurandon duduiai in hukum mita bo parenta mita inta ain pinais-Ku kon inimu. Dika moibada kon ilah mita ibanea mako,

NEHEMIA 8:12

Dá nobuidon in rayat sin mongaan bo monginum poḷat mosila-silai mako kon kaanon kon intau mita ibanea. Noḷungangadon in gina monia sin kinomangaḻeandon monia in onu inta ain binaca bo dinongog monia tatua.

NEHEMIA 9:13

Nongkon ḷangit noponag in Iko kon tudu in Buḷud in Sinai, bo nongonguman in Iko takin umat-Mu tontaní. Inogoian-Mu in hukum, atorang bo parenta inta moadil, mobanar bo oyúon in mangaḻenea.

MAZMUR 105:45

sinbá umat-Nea tatua in motoindudui kon hukum-Nea mita bo dumudui kon parenta-Nea mita. Dayowdon in ki Tuhan!

MAZMUR 111:7

Ki Tuhan in moadil bo mosatia kon bayongan inta pomiaan-Nea, bayongan in parenta-Nea motaaubí pongata.

MAZMUR 119:105

Tosingogon-Mu in nobaḻí togá kon bayáanku, sindar inta monimbayag kon daḷanku.

MAZMUR 119:12

Akuoi in modayow kon ini-Mu, o Tuhan, tundúdon in akuoi in atorang-Mu.

MAZMUR 119:121

Akuoi in nogaidon kon inta moadil bo inta noitutui, dikabí kaasí ogoi in akuoi kon kawasa in musung.

MAZMUR 119:128

Tuamai akuoi in nobiag podudui in bayongan topotundú-Mu; dodia inta mobelung in kinodoíku.

MAZMUR 119:130

Aka insilangan, totundú-Mu in mobogoi in bayag, mobogoi in pomomangaḻe kon intau moompá in gina.

MAZMUR 119:14

Noḷunganga in ginaku in dinumudui kon parenta-Mu mita, naonda bo nokouḻí kon bayongan in kapunyaan.

MAZMUR 119:143

Akuoi in kinoantugan in roriga bo susa, Táe atorang-Mu in mokoḷunganga kon ginaku.

MAZMUR 119:16

Atorang-Mu in nokosanang kon inakó; totundú-Mu in diábí koḻionganku.

MAZMUR 119:171

Akuoi in moibog umuran modayow kon ini-Mu, sin Iko in notundú kon atorang-mu.

MAZMUR 119:24

Atorang-Mu mita in nobaḻí mononongginaku inta nokosanang kon ginaku.

MAZMUR 119:40

Ogoiaidon in akuoi in kobiagan mobagu, sin Iko in moadil, totokbí in ibogonku in tumoḷutui kon atorang-Mu mita.

MAZMUR 119:54

Kinoouput in kobiaganku inta motoyong naa kon dunia, atorang-Mu in baḻíonku dondong mita dodayow.

MAZMUR 119:80

Igumon mako in ginaku diá tumabat nongkon atorang-Mu, sinbá diá mooyá in akuoi.

MAZMUR 119:92

Aka kuma bo hukum-Mu in deemanbí pinomangkoian in ḷungangaku, yo notantúbí kon minatoidon in akuoi kon bonu in rorigaku.

MAZMUR 12:6

Guman i Tuhan, “Intau nobiag nobogá doroton bo intau mororiga mogamui. Dá tanaa doman Akuoi in namangoi mobogoi in kobiagan moodom inta kinoibog monia.”

MAZMUR 13:3

Modapot in toonu in akuoi musti mobaba kon roriga, bo moajar in gina kinoouput in singgai? Modapot in toonu akuoi kawasaan in musung?

MAZMUR 40:8

Bo akuoi in noguman, “Naadon in akuoi, kon bonu in ḻitodan in buk pinais kon inakó.

MAZMUR 93:5

Tuhan, hukum-Mu in mononoi, Baḷoi-Mu in motusi kinoouput in dunia.

IḶUAIAN 18:16

Aka mosia moyogintaḷá, mosia mamangoi in kon inakó sinbá momaḷut kon pelekara monia, bo potaauku kon i monia in parenta bo hukum mita i Allah.”

AMSAL 2:6

Ki Tuhanbí in mobogoi in hikmat; nongkon i-Niabí intau mokouḻí kon pongotahuan bo komomangaḻe.

AMSAL 30:5

Ki Allah in nogintompodbí kon bayongan in dandi-Nea. Sia in naonda bo kaḻeaw kon bayongan in intau inta mamangoi moniung kon i-Nia.

AMSAL 6:23

Topotundú mita in guyangamu naonda bo togá inta mobayag; toboḷow monia mopoontong kon inimu in kobobiag inta mopia.

YESAYA 64:5

Iko in motomu kon intau inta motuḻid in gina bo inta nobiag podudui in ibog-Mu iko in sinumorú kon inami, táe kami in tantúbí nogaid kon dosa totuu kon nongkon dungkuḷpabímai kami in kotaḷá.

YEREMIA 15:16

Iko in nosingog kon inakó, bo akuoi in nokidongog kon bayongan in tosingogon-Mu. Akuoi naa in Iko in kitogi, o Tuhan Allah Inta Totok in mokawasa, tuamai in tosingogon-Mu mita in mokosanang bo mokoḷunganga kon inakó.

YEHEZKIEL 36:27

Roho-Ku in popogonú-Ku kon bonu in ginamu bo ḷukadan-Ku in moiko sinbá mobiag podudui in hukum-Ku mita poḷat motoindudui kon bayongan in parenta-Ku.

SURAT I PAULUS KON JAMAAT RUM 3:20

Sin diábí in tobatúmai in motaau mopopiaan i Allah sin popisí in mosia ain nogaid kon soaḷ mita inta kon bonu in hukum agama Yahudi. Táe hukum tatua in tongábí moponiata kon intau tua in binaradosabí komintan.

SURAT I PAULUS KON JAMAAT RUM 7:22

Batinku in moibogbí kon hukum i Allah,

SURAT I PAULUS KON JAMAAT RUM 7:7

Aka natua, yo onu in singogon naton? Moraat degá in hukum agama in Yahudi? Tantú diábí! Sin hukumbí tatua in notundú kon inakó soaḷ dosa. Sin diábí kinotaauanku onu in sinangoian Ibog moiḻiu, aka hukum agama diá noguman, “Donaai motamaa.”

GALATIA 2:19

Sin akuoi ain minatoi kon hukum in Musa tatua – sin kopontingan in hukum tatua – sinbá akuoi in mobiagdon motoindudui kon i Allah. Akuoi aindon pinopopakú kon kayu pinoyotaḻempang takin i Kristus.

GALATIA 3:21

Aka natua yo noyoposi degá in hukum i Musa bo dandi i Allah? Tantú diábí! Sin aka kuma hukum i Musa mobogoi in kobiagan kon intau, dá intau in motaaubí moyodame i Allah bo inta dumodudui kon hukum i Musa tatua.

ULANGAN 16:11

Kon tayowon i Tuhan Allahmu, kon tampat inta piniḻí-Nea, moiko musti moposanang in gina moyotakin i adímu mita, bobantungmu mita bo intau in Lewi, intau ango-angoi, adí uno-unon bo intau mita inta dongkadon boba-bobay inta nogutun kon kotámu mita.

ULANGAN 16:14

Pobarasanangdon takin i adímu mita, in bobantungmu mita, in intau in Lewi, intau ango-angoi, adí uno-unon bo inta dongka boba-bobay mita inta nogutun kon kotámu mita.