MAZMUR 19:6 - Alkitab Singog In Mongondow Masa In Tanaa

⁶ doḷo-doḷom momuká in sia naonda bo nonikaan ḷoḷaki iḻumuai nongkon gopotnea, naonda bo pahlawan inta noḷunganga in gina momangkoi kon bobayáannea.

MAZMUR 19:6 Iomraidhean Croise

AYUB 22:14

Kainimu kamai dá mata-Nea in kinooḻiunganbí in goḷom bo tongábí kon sigad in ḷangit bo butá Sia in minaya-mayá?

AYUB 25:3

Koiapan degá in malaekat inta nogundoi kon i-Nia? Oyúon degá in tampat inta diá sinindaran in bayag-Nea?

MAZMUR 113:3

Nongkon pomukaan modapot in toyopan tangoi i Tuhan in mustibí dayowon.

MAZMUR 139:9

Aka akuoi ḷumayug mongin pomukaan andeka kibio-biómai kon popod in toyopan inta totok in moyayú,

MOHOHUTUBA 1:5

Mata in singgai umuranbí mako momuká bo umuranpa doman tumoyop. Takin ḷopí mobui in sia kon tampatnea dungkuḷ, bo momuká bui.

KOLOSE 1:23

Manangka intua, moiko in musti umuran mosatia in mopirisaya bo umuran doman kumadai mokoporopot kon onu inta ain pinirisaya monimu. Dika modapot in ukatan monimu harapan inta ain inogoi kon i monimu wakutu in moiko notarimadon kon Habar Mopia nongkon i Allah. Habar Mopia tatua ain pinotaau kon bayongan intau kon dunia naa. Bo popisíbí in tuata, akuoi ki Paulus in nobaḻí mogogaid kon oaidan i Allah.

HAKIM MITA 5:31

Poigumon mako in musung-Mu mita, o Tuhan, matoi ná ki Sisera, táe bayongan in yobayat-Mu in monindar naonda bo mata in singgai kon ḷangit! Nopaḷut mako kon tua, nobiagdon notompia in butá tatua opat nopuḷú notaong in koonggotnea.