MAZMUR 19:13 - Alkitab Singog In Mongondow Masa In Tanaa

¹³ Diábí in mokomangaḻe kon kinoḷaḻeannea; Tuhan, poḷuatdon in akuoi nongkon taḷá inta noibuni.

MAZMUR 19:13 Iomraidhean Croise

KINOBAḺIAN 20:6

Dá ki Allah in notubag kon bonu in togoindop tatua, “Totuu, kinotaauan-Kubí kon soaḷ tatua in inaidanmubí takin gina modarit. Tuamai Akuoi in nogimaḷowdon kon inimu bá diá momia kon dosa kon i-Nakó, bo diábí pomayá-Ku mako iko in moḻiai kon bobay tatua.

AYUB 34:32

Degá nopoigumdon in iko sinbá poontong-Neadon in taḷámu? Nongibotdon degá in iko kon diádon mogaid kon tua?

MAZMUR 11:7

Sin ki Tuhan in mopia bo moadil, Sia in motabi kon intau inta nogaid kon inta mopia; intau motuḻid in mokoontongbí bo monotaau kon i Tuhan.

MAZMUR 119:133

Irigonaidon in ḷampangku podudui in dandi-Mu, dikabí pomayá mako kaasí in akuoi in kawasaan in moraat.

MAZMUR 18:23

Bayongan in hukum-Nea sinaridianku, parenta-Nea mita diábí in sinaḻibanku.

MAZMUR 7:10

Popogogaidon in aid moraat in intau moraat bo irotonaidon in gina in intau mopia, sin Iko in ki Allah inta moadil, inta nonotaau kon gina bo raian in intau.

MAZMUR 84:11

Mopia-piabí kon tosinggai in kon Baḷoi-Mu dika in toribu nosinggai kon tampat ibanea. Piniḻíku in mobaḻí moḷoḷukad kon ngara in Baḷoi i Allahku dika in mogutun kon baḷoi in intau moraat.

IḶUAIAN 21:14

Táe aka intau tatua dinapat in gina butá bo sinumuodbí noḻimod kon intau ibanea, nopaḷut mako kon tua bo noḷagui minayá in mezbah-Ku sinbá mokouḻí kon poniungan, yo intau tatua musti poḷuaion nongkon mezbah tatua bo hukumon matoi.

IMAMAT 4:13

Aka inta dinosa tua bo bayongan umat in Israel, tongá diábí sinumuod noḷawang kon tobatú nongkon parenta i Tuhan,

IMAMAT 4:2

mopotaau kon bangusa Israel kon ki inekabí inta diá sinumuod nogaid kon dosa takin noiḷaut noiḻimpatdon kon tobatú nongkon parenta mita i Tuhan, yo musti dumudui kon atorang tanaa.

IMAMAT 4:22

Aka inta dinosa tua in bobato tobatú táe diábí sinumuod noḷawang kon parenta i Tuhan tobatú,

IMAMAT 4:27

Aka intau biasa tobatú diábí sinumuod nogaid kon mokodosa poḷat noiḻimpat kon atorang i Tuhan tobatú,

OUMAN IN RASUL MITA 24:16

Tuamai akuoi in umuran moramuji totok sinbá ginaku in umuran modarit kon tayowon i Allah bo kon tayowon in intau.

PETRUS 2 2:10

torutama intau mita inta tantú dinumudui kon ibog in awak monia inta mokotor bo inta moningkuḻe kon kawasa i Allah. Ná domai tua in kobobarani monia bo koḷoḷatú in intau mita inta mongaku guru mita tatua, sahingga in diábí moondo-ondok in mosia moningkuḻe kon mahaḷuk mita in soroga inta momulia!

SAMUEL 1 25:39

Naonda in kinodongogan i Daud kon ki Nabal in minatoidon, noguman in sia, “Dinayo-dayowdon in ki Tuhan! Sia ain notuḻí kon singkuḻe i Nabal kon inakó, bo ain nogimaḷow kon bobantung-Nea naa mogaid kon inta moraat. Ki Tuhan ain nohukum kon i Nabal popisí in aidnea inta moraat.” Onda intua ki Daud nopotabá in intaunea minayá kon i Abigail sin mogamá kon inia mobaḻí ki buḷoinea.