MAZMUR 18:44 - Alkitab Singog In Mongondow Masa In Tanaa

⁴⁴ Pinoḷuat-Mu in akuoi kon inanakan inta moraat, bo binaḻí-Mu in akuoi mongongawasa kon bangusa mita; bangusa inta diá kinotaauanku in nobaḻí bobantungku.

MAZMUR 18:44 Iomraidhean Croise

SAMUEL 2 1:13

Noiduduimai kon tua ki Daud in noḻibó kon tayowmobiag inta nodia kon habar tatua, “Nongkon onda in iko?” Tubagnea, “Bobantung naa in intau in Amalek, intau mododondaḷoi kon butá i Tuangku.”

MAZMUR 66:3

Pogumandon kon i Allah, “Totuu mokoherang onu in inaidan-Mu! Musung tumungkud kon ini-Mu takin iḻibutan in ondok, sin totuubí moḷoben in kawasa-Mu.

MAZMUR 68:30

Datu mita in nodia kon sosumba kon ini-Mu kon Baḷoi-Mu kon Yerusalem.

MAZMUR 81:15

dá ḷagi-Kudon pokuyungon in musung monia, bo monaḷow kon bayongan in ḷawang monia.

YESAYA 62:8

Ki Tuhan in nodandidon takin ibot bo mopobayábí intua pinongin kawasa-Nea: “Akuoi in diá bidon mobogoi in gandummu kon musung; intau ango-angoi in diá bidon monginum kon anggurmu inta nouḻímu takin irumoriga.

YEHEZKIEL 44:7

Mosia in nongotordon kon Baḷoi-Ku, sin kon dodai in ḷongó bo dugú in kuruban pinosumba kon inakó, inogoibí monia sinumuot in intau mita ango-angoi inta diá sinoit, bo inta diá doman motoḷutui kon i-Nakó. Aid monia inta mokorongó tatua, noponiata kon mosia in iḻimimpatdon kon dodandian-Ku takin i monia.

ULANGAN 33:29

Kosanangdon in iko, ei Israel! Diábí in bangusa ná iko pinosaḷamat i Tuhan. Ki Tuhan in naonda bo pitow bo oḻingoi kon inimu; sin moduḷu kon inimu bo mobogoi in kauntungan kon inimu. Musungmu mita in mamangoibí mokikotabimai, bo iko in totokbí in moritak kon i monia.”