MAZMUR 18:21 - Alkitab Singog In Mongondow Masa In Tanaa

²¹ Ki Tuhan in notuḻí kon aidku inta noitutui; binarakatan-Nea in akuoi sin akuoi in diá kotaḷá.

MAZMUR 18:21 Iomraidhean Croise

TAWARIKH 2 20:32

Naonda bo ki Asa ki amánea, ki Yosapat nogaid kon onu inta mopia kon tayowon i Tuhan.

TAWARIKH 2 34:33

Berhala mita inta mokorongó inta kon tampat mita inta noituot kon butá in intau Israel, komintanbí irimumud i Datu Yosia. Bo pinakisanea in rayatnea moibada kon i Tuhan, Allah in mogoguyang monia. Dá kon bonu in ki Yosia nobiag, rayat in umuran mosatia kon i Tuhan.

MAZMUR 119:102

Diábí pomayáku mako in hukum-Mu, sin Ikobí in notundú kon inakó.

MAZMUR 17:4

Akuoi in nogaid kon onu inta pinoki aid-Mu bo diábí pinongin aid inta moraat.

MAZMUR 26:1

Mazmur i Daud. Ogoiaipa in inta moadil in akuoi, o Tuhan, sin akuoi in nobiag takin notuḻid in gina. Akuoi in nongamang kon i Tuhan, bo diábí in ḻia-ḻiaw in gina tongopiḻikmai.

MAZMUR 7:9

Iko in mohakim kon umat intau; pobayádon in inta moadil, o Tuhan, sin diábí kotaḷá in akuoi.

AMSAL 8:32

Tuamai, indongogaidon in akuoi, ei intau mita inta mongobagupa! Duduiaidon in topotundúku, dá mosanangbí in iko.

DANIEL 6:23

Ki Allah in bobantung ain nopotabá in malaekatnea sin momompon kon bibig in singa mita tatua dá diábí in mosia nopoyagi-yagimai kon bobantung naa. Ki Allah in noposaḷamat kon bobantung sin kinotaauan-Nea kon bobantung naa in diábí nogaid kon noitaḷá kon i-Nia bo kon i Tuangku.”

OUMAN IN RASUL MITA 24:16

Tuamai akuoi in umuran moramuji totok sinbá ginaku in umuran modarit kon tayowon i Allah bo kon tayowon in intau.

TESALONIKA 1 2:10

Motusi in kobobiag nami, mobanar bo diá in yagi-yagi inta diá mopia in inaidan nami kon i monimu inta ain nopirisaya kon i Kristus. Inontong bidon monimu tontaní in kami bodongka bidon ki Allah in nonotaau kon tua komintan.

YOHANES 1 2:19

Saturu mita i Kristus tua in intaubí mita inta nonaḷámaidon kon i naton naa, lantaran mosia tua in deemanbí totuu intau naton. Aka mosia intau mita naton, tantú mosia in umuranbí noyotakin naton. Natuabí sinbá motarangdon kon i naton kon mosia tua in diábí totu-totuu moibog mopirisaya kon i Tuhan moyotakin naton.

SAMUEL 1 15:11

“Nomanasaḷdon in akuoi sin noduídon kon i Saul nobaḻí datu, sin sia in nonoḻikudon kon i-Nakó, bo doídon dinumudui kon parenta-Ku.” Noajar totok in gina i Samuel, bo kinoouputbí in doḷom sia nopoigum in totabi kon i Tuhan.