MAZMUR 17:3 - Alkitab Singog In Mongondow Masa In Tanaa

³ Aka ujion-Mu in ginaku bo mamangoi monaridi kon inakó kon dodai in doḷom, yo mouḻí-Mubí kon motuḻid in ginaku; onu in siningogku noitombutungbí kon onu in iraiku.

MAZMUR 17:3 Iomraidhean Croise

TAWARIKH 1 28:9

Bo ki Daud in noguman kon i Salomo nanaa, “Adíku, igumonku sinbá ki Allah inta sinumba i amámu, in akuonmu nobaḻí ki Allahmu. Iko in mustibí mogundoi kon i-Nia takin ḻimbatúon in gina bo gina mobayag. Sin kinotaauan-Neabí in bayongan raian bo ibog naton. Aka iko motayak kon i-Nia, yo mouḻímubí in Sia, táe aka iko monaḷámai kon i-Nia, yo indoíon-Nea bidon in iko modapot in mononoi.

TAWARIKH 1 29:17

Kinotaauankubí kon Iko in monungkuḷ kon gina in intau kon batúannea bo kinoibog-Mu in intau inta motuḻid in ginanea. Takin gina nobayag bo pia in gina posumbaku in naa komintan kon ini-Mu. Akuoi in nokoontongdon tontaní kon naonda in umat-Mu inta noyosipun kon naa nodia kon sosumba monia kon ini-Mu takin pia in gina.

AYUB 23:10

Táe kinotaauan-Neabí in bayongan in daḷanku bo bayongan in ḷampangku. Aka ná buḷawan akuoi in sinoba, yo moniatabí kon ginaku in nodaritbí.

AYUB 24:14

Kon dodai in modiug mobayag ki moḷoḻimod in mobangon nongkon pinosiugannea, bo ḷumuai moḻimod kon intau inta moyangkó, bo kon dodai in diápa mobayag, sia in umado-adop naonda bo mononakow.

MAZMUR 11:5

Ki Tuhan in nonungkuḷ kon intau mopia bo intau moraat, dinoí-Nea in intau inta moḻingá.

MAZMUR 119:106

Inta dinandiku pinodoyon kon ibot in intompodankubí, kon kumadai kon atorang-Mu inta moadil.

MAZMUR 139:1

Kon i itoi in mododondong. Mazmur i Daud. O Tuhan, kinodoḷopan-Mu in ginaku bo kinotaauan-Mu in akuoi.

MAZMUR 139:23

Tarididon in akuoi o Allah, doḷopdon in ginaku, tungkuḷaidon bo pokotaaudon in raianku.

MAZMUR 16:7

Akuoi in modayow kon i Tuhan inta nononggina kon inakó; kon dodai in doḷom ginaku mobogoi in totundú kon inakó.

MAZMUR 26:2

Taridiaidon in akuoi, o Tuhan, bo tungkuḷaidon in akuoi, tarididon in ibog bo raianku.

MAZMUR 39:1

Kon i itoi in mododondong. Mazmur i Daud. Kon i Yedutun.

MAZMUR 66:10

O Allah, Iko in nonungkuḷdon kon inami naonda bo intau nopomurni in saḷaka kon bonu in tuḷú.

MAZMUR 7:4

O Tuhan Allahku, aka kuma bo akuoi nonombogá, nogaid kon inta moraat kon yobayat, andeka nokoporugimai kon musung takin diá in kinodoyonannea, aka kuma bo inaidanku in natua,

AMSAL 13:3

Intau inta muna morai bo mosingog moaman in kobiagannea; intau inta tongá kino singo-singognea koantugan in roriga.

YEREMIA 12:3

Táe Iko, o Tuhan, nonotaau kon inakó. Iko in nokoontong kon onu in inaidanku, bo kinotaauan-Mu naonda in porasaan in ginaku kon ini-Mu. Diadon in intau mita moraat tatua ḷumuai, diádon in mosia naonda bo domba mayá in pororataan. Ḷukadai in mosia modapot in porataan kon i monia.

YEREMIA 50:20

Kon tungkuḷ intua Israel bo Yohuda in modarit bidon nongkon dosa, sin ampungan-Kubí in intau mita inta ain pinosaḷamat-Ku. Akuoi, ki Tuhan, ain nosingog.”

HOSEA 7:6

Naonda bo tuḷú kon bonu in doḷuong natuata in niat moraat bo torú monia nonombaga kon bonu in gina monia kinoouput in doḷom, bo naonda in doḷo-doḷom sinumagab nobaḻí dokot in tuḷú inta noborambang.

MIKHA 2:1

Moboditodon in intau mita inta monomayá kon inta moraat kon dodai in mosiug mako kon tosiugan kon tungkuḷ in doḷom, bo mogaid kon tua kon dodai in doḷo-doḷom popisí in oyúon in ropot monia mogaid kon tua.

ZAKHARIA 13:9

Tongádon 1/3 nea in mosaḷamat. Bo mosia tua in potusion-Ku naonda bo saḷaka inta pinomurni in tuḷú. Mosia in ujion-Kubí naonda bo intau moguji kon buḷawan. Bo mosia in mosambayang kon i-Nakó, bo tubagan-Ku in mosia. Akuoi in moguman kon i monia kon mosia in umat-Ku, bo akúon doman monia kon Akuoibí in ki Tuhan Allah monia.”

MALEAKHI 3:2

Táe ki ine in mokotongod kon singgai ki Tuhan mamangoi mokipogontong in awak-Nea? Sin Sia in naonda bo tuḷú in mononontaḷ kon logam, bo naonda bo sabong in momomatá.

OUMAN IN RASUL MITA 11:23

Naonda in noiyaput kon tua in ki Barnabas, bo nokoontong kon naonda in Allah nomarakat kon i monia, nopia totok in ginanea. Bo sia in nopoigum domandon kon bá mosia in totu-totuudon mopirisaya bo motoindudui kon i Tuhan.

OUMAN IN RASUL MITA 16:9

Nodoḷom monag, kon Troas, ki Paulus in nokoontong kon tobatú oontongon. Kon bonu in oontongon tatua sia in nokoontong kon intau in Makedonia tobatú sinimindog kon tayowonneamai bo totok in nopoigum sinbá mosia in mayápa in Makedonia motuḷung kon i monia.

KORINTUS 1 4:4

Iraikumai, diábí kon dodai in onda akuoi in nogaid kon inta diá mopia, tongá tua in deemanbí bukti kon diá kotaḷá in akuoi. Sin tongábí ki Tuhan in motaau monantú kotaḷá andeka diá.

KORINTUS 2 1:12

Noḷunganga totok in gina nami, sin noyakin bidon in kami kon kobobiag nami kon dunia naa – apapa doman hubungan nami bo i monimu – tantúbí nami sinompia takin gina motuḻid bo nobayag. Tua komintan in inaidan nami, deemanbí pinodoyon kon kapandoian raian in intau, táe pinodoyonbí kon ropot inta pinonotabi i Allah.

YAKOBUS 3:2

Kita komintan in mokakit in mogaid kon inta noitaḷá. Táe intau inta diá dodai onda in nosingog kon noitaḷá, sia tua intau nosompurna, inta mokokawasa kon bayongan in awaknea.

PETRUS 1 1:7

Tujuan intua komintan in mogujibí kon i monimu mongo totuudon mopirisaya kon i Tuhan andeka diá. Buḷawanpa inta mogogu-goguyaatbí, mustibí ujionpa muna in tuḷu. Pirisayabí monimu in momaha-mahaḷ nongkon buḷawan mita tatua, tuamai mustibí doman ujion sinbá moiko in mobaḻídon totok in moroton. Aka natua yo moiko in dayowonbí bo horomaton poḷat diaan mayá in soroga aka ki Yesus Kristus buidon mamangoi.

SAMUEL 1 24:10

Nobobui in ki Saul ná tumi bo sinumungkud in ki Daud takin horomat bodongka noguman, “Nongonu sin ki Tuang Datu in mokidongogbí kon singog in intau inta noguman kon akuoi in moibog mopobodito kon i Tuang Datu?

SAMUEL 1 24:12

Indoiaika, Amáku! Indoiaika in pongkóan in jubah i Tuang Datu inta kokada-kadaiku naa! Sabanarnea in koḻimodankubí in ki Tuang, táe akuoi in tongábí nomongkó kon topiḻik in bingkí in jubah i Tuang Datu. Dá, noniatadon kon akuoi in diábí komakusud moraat andeka inta diá mopia. Ki Tuang in mogaḷo-gaḷow mako kon inakó sin moḻimod, umpakabí akuoi naa diá kotaḷá topiḻikmai kon i Tuang Datu.

SAMUEL 1 26:11

Poigumon mako ki Tuhan mongampag kon inakó in moḻimod kon datu inta ain piniḻí-Nea! Gamádon mako in pandongnea bo tampat in tubignea, bo mayádon in kita!”

SAMUEL 1 26:23

Ki Tuhan in momarakat kon bayongan in intau inta mosatia bo motuḻid in gina. Sin umpakabí singgai naa ki Tuhan ain noposarakan kon i Tuangku kon bobantung naa, táe bobantung naa in doíbí momia kon inta moraat kon i Tuang datu, datu inta piniḻí i Tuhan.