MAZMUR 15:5 - Alkitab Singog In Mongondow Masa In Tanaa

⁵ bo mopoḷuan in doit bo diá moigum kon rente; inta doí motarima kon doit pomompon kon bibig sin moporugi kon intau inta diá kotaḷá. Intau inta mogaid kon natua, umuranbí mobiag moodom.

MAZMUR 15:5 Iomraidhean Croise

MAZMUR 106:3

Pia in kamang in intau inta dinumudui kon parenta-Nea mita, bo umuran mobanar in aidannea.

MAZMUR 112:6

Intau mopia in umuranbí mokouḻí; sia in umuranbí toropon modapot in mononoi.

MAZMUR 16:8

Akuoi in umuranbí mokotorop kon i Tuhan; Sia in oyúonbí kon diugku, dá diá in akuoi modandú.

MAZMUR 55:22

Tosingogonnea mita mopia in kodongogan modondouḷug, táe kon bonu in ginanea oyúon in yaat in gina. Potosingognea in moḷukó, táe monurak naonda bo tosilad inta moḷanit.

IḶUAIAN 22:24

Tumorú in Akuoi bo moḻimod kon i monimu kon bonu in parang, modapot in ki buḷoi monimu mita mobaḻídon dongka boba-bobay, bo ki adí monimu in mobaḻídon diá ko amá.

IḶUAIAN 22:25

Aka moiko mopoḷuan in doit kon intau bogá inta kon sigad in bangusa-Ku, yo dikabí naonda bo mononagi kon boḻi inta moigum doman kon kauntungannea.

AMSAL 10:30

Intau motuḻid in gina in mobiag moaman bo motompia; intau moraat in diábí mogutun kon butá inta inogoi kon inia.

AMSAL 12:3

Diábí in tobatúmai in intau inta umuran mooyúon kon bonu in aidnea inta moraat; táe intau inta motuḻid in gina umuranbí motorindog, diábí motundan.

AMSAL 15:27

Ki ine in motayak kon kauntungan pongin mosindip, in morimumudbí kon motoḷuadínea tontaní. Ki ine in doí motarima kon doit pinosogó, mobiag mosanang.

YESAYA 33:15

Moiko in mokotahangbí aka moiko in mosingog bo mogaid kon inta totuu. Dika motayak kon untung pongin momakisa mogamá kon intau bogá, bo dika motarima kon doit tondan in pelekara. Dika dumudui kon intau inta monomayá kon poḻimodan andeka aid moraat ibanea.

YEHEZKIEL 18:17

Diábí kon dodai in onda in sia in mogaid kon moraat andeka mopoḷuan takin rente. Sia in motoḷutui kon hukum-Ku mita bo dumudui kon parenta-Ku. Yo adí tatua in mobiagbí diábí matoi popisí in dosa mita i amánea.

YEHEZKIEL 18:27

Táe, aka intau moraat inta diádon nomia kon dosa bo nomangkoidon nomia kon inta moitutui bo mopia, yo mosaḷamatbí in nyawanea.

YEHEZKIEL 18:8

Diábí kon dodai in onda in sia in mopoḷuan bo moigum kon rentenea. Sia in doíbí momia kon inta moraat bo pomuḷoi in oyúon rogenggeng toḻisíonneabí kopiaan.

YEHEZKIEL 22:12

Oyúon doman in nobaḻí ouboḻian moḻimod, mototayak kon kauntungan moḷoben kon intau ibanea bo mogogagow kon intau tongobangusanea. Mosia komintan nokoḻiongdon kon i-Nakó. Akuoi ki Tuhan Inta Totok in moḷantud ain nosingog.

MIKHA 7:3

Komintandon mopandoi in mogaid kon inta moraat. Pojabat bo hakim moigum kon doit pompon in bibig, bo tongguḷu in intau mobayong in momakisadon kon koibognea, natuata in yopopog monia moyotakin.

MATIUS 26:15

Bo noḻibó, “Onu in ogoi monimu kon i nakó, aka Sia posarakanku kon i monimu?” Dá inogoian monia in doit saḷaka toḷu nopuḷú in sia.

YOHANES 13:17

Aka kinotaauandon monimu komintan in naa, yo mosanang bidon in moiko aka pomiaanmu.

ULANGAN 16:19

Kon bonu in mogamá kon kaputusan, mosia in diábí motaau kinotantu-tantúnea ande mobogat kon toḷosi. Mosia in diábí doman motaau motarima kon doit tondan in pelekara, sin tondan in pelekara tua in mokobilog kon intau, nodapot in intau mobijaksana bo mojujur, dá mogamádon kon kaputusan inta diá moadil.

ULANGAN 23:21

Aka moiko nopodandi in onuka kon i Tuhan Allahmu, dikabí in umuran momaḷu-maḷui kon wakutu in mogintompod kon dandi tatua, sin umuranbí tuntuton i Tuhan Allahmu intua, bo baradosaanbí in moiko aka diá intompodan monimu intua.

SAMUEL 1 12:3

Tanaa in akuoi sinimindogdon kon tayowon monimu! Aka akuoi in nogaidon kon taḷá, yo potaaudon kon tayowon i Tuhan bo kon tayowon i datu inta piniḻí-Nea. Degá nokoimontandon in akuoi nogamá kon sapi andeka keledai in intau ibanea? Degá nokoimontandon in akuoi nonguboḷ andeka noposikisa andeka notarima kon doit poguboḻi kon taḷá? Pogumandon, sinbá onukabí inta ain ginamáku yo pobuionkudon bui.”