MAZMUR 15:4 - Alkitab Singog In Mongondow Masa In Tanaa

⁴ inta mopoompámai kon intau inta kinodoí i Allah, táe mohoromat kon intau inta mosatia kon i Tuhan; inta mogintompod kon dandi, umpakabí morugi

MAZMUR 15:4 Iomraidhean Croise

TAWARIKH 2 36:13

Ki Datu Nebukadnezar in nomakisadon kon i Zedekia mongibot pinodoyon kon i Allah kon sia in mosatiabí kon i Nebukadnezar. Táe kon singgai noiduduimai ki Zedekia nomarontak kon i Nebukadnezar. Ki Zedekia in nopotontogat in gina kon i Tuhan, Allah in Israel. Doí in sia monaḷámai kon dosanea mita bo doídon mobui mangoi kon i Tuhan.

ESTER 3:2

Ki datu in nomarenta kon bayongan in pogawainea sinbá mohoromat kon i Haman poḷat tumungkud kon tayowonnea. Komintanbí dinumudui kon parenta tatua, koḻikudbí in ki Mordekhai.

MAZMUR 101:4

Akuoi in doíbí monombogá bo doíbí mogaid kon inta moraat.

MAZMUR 101:6

Koibogku in intau inta motoḷutui kon i Allah; mosia in motaaubí in mogutun kon baḷoiku. Intau inta mobiag diá in bogit in motaau mobantung kon inakó.

MAZMUR 119:63

Akuoi in noyobayat in bayongan in intau inta motoguondok, bayongan in intau inta nogaid kon parenta-Mu,

MAZMUR 16:3

Ihoromatku in intau mita motusi kon butá tanaa; inta mokosanang kon ginaku in mogutunbí takin i monia.

MATIUS 5:33

“Moiko ain nokodongog doman kon onu inta ain pinoguman i Tuhan kon mogoguyang naton: donaai moḷagui kon dandi, Onu inta ain pinodandimu takin ibot kon tayowon i Allah, musti aidaimu intua.

OUMAN IN RASUL MITA 24:25

Táe naonda in ki Paulus nongonguman kon soaḷ mobiag moitutui, soaḷ monahang kon napusu bo soaḷ hukuman kon singgai tumi, inagían ondok in ki Peliks dá nogumandon nanaa in sia, “Iko in motaaudon mayá in tanaa. Bain aka oyúon in kasampatan mopia, buikubí pokioiní in iko.”

OUMAN IN RASUL MITA 28:10

Kami i horomat totok monia in kon tua bo naonda in kami nobuatdon nongkon tua yagi-yagidon inogoi monia inta paraḷu pakéon nami.

YOHANES 1 3:14

Kinotaauandon naton kon kita iḷumuaidon nongkon kawasa in popatoi, bo nomampingdon kon bonu in kawasa inta mokobiag, sin lantaran kita notabidon kon i utat mita naton. Sin ki ine in diá motabi kon i utatnea, yo sia tua in tantúpa nobiag kon bonu in kawasa in popatoi.

HAKIM MITA 11:35

Naonda in inontong i Yepta in sia, noajardon totok in gina i Yepta dá sia nomisi-misídon kon ḷambungnea, poḷat noguman, “Kaasí adíku, morumbundon in dodobku! Nongonu sin mustibí iko in mokororiga totok kon ginaku? Akuoi ain nongibot kon i Tuhan, bo diá bidon intua motaauku inggamáan bui!”