MAZMUR 148:13 - Alkitab Singog In Mongondow Masa In Tanaa

¹³ Biódon mako in mosia komintan modayow kon tangoi Tuhan, sin tangoi-Nea in moḷantu-ḷantud nongkon bayongan in tangoi; koḷoḷantud-Nea in nonigad kon ḷangit bo butá.

MAZMUR 148:13 Iomraidhean Croise

TAWARIKH 1 29:11

Iko in totuu moḷoben, bo nongawasa. Iko in momulia, ponango-nangoian bo moagung. Bayongan in yagi-yagi kon ḷangit bo kon butá Ikobí in kitogi. Iko in Datu Moḷoben, pongawasa kon bayongan in yagi-yagi.

MAZMUR 108:4

Tuhan, akuoi in moibog mopoyaput in sukur kon ini-Mu kon sigad in bangusa mita. Akuoi in moibog mopodondong in dodayow kon ini-Mu kon sigad in umat intau.

MAZMUR 113:4

Ki Tuhan in nongawasa kon bayongan in bangusa, koḷoḷantud-Nea noiḻimonik kon ḷangit.

MAZMUR 150:6

Biódon mako in bayongan in mahaḷuk inta nobiag modayow kon i Tuhan. Dayowdon in ki Tuhan!

MAZMUR 57:6

O Allah, poontongdon in koḷoḷantud-Mu kon ḷangit, bo kamuliaan-Mu kon sinangkub in butá.

MAZMUR 72:19

Dinayo-dayowdon in tangoi-Nea inta moḷantud dapot in mononoi; igumon mako sinangkub in butá mopuḻing in kamuliaan-Nea! Natuadon in mobaḻí. Amin!

MAZMUR 8:1

Kon itoi in mododondong. Podudui in dondong Gitit. Mazmur i Daud.

MAZMUR 8:2

Oo Tuhan, Allah nami, kawasa-Mu ponango-nangoian kon sinangkub in butá! Kamuliaan-Mu inta nonigad kon ḷangit

MAZMUR 8:9

ḷagapan mita bo toyá mita, bayongan in mahaḷuk kon bonu in dagat.

MAZMUR 99:9

Poḷantudon in ki Tuhan Allah naton, bo sumbadon in Sia kon buḷud-Nea inta motusi, sin mokudusbí in ki Tuhan Allah naton.

DONDONG MOḶANTUD 5:16

Totuu mokosanang in pososingognea, bayongan yagi-yagi kon inia mokoangá. Natuata batoḷ in dodob bo yobayatku, ei mongodeaga mita in Yerusalem!

DONDONG MOḶANTUD 5:9

Yo degá batoḷ in dodobmu noiḻiu kon batoḷ in dodob mita ibanea, ei mongodeaga inta totok in moḷunat? Degá batoḷ in dodobmu noiḻiu kon batoḷ mita in dodob ibanea, modapot in iko nopotabá kon inami modandi?

YESAYA 12:4

Moiangoibí in wakutunea moiko in moguman, “Posukurdon kon i Tuhan, bo sumbadon in Sia. Potaaudon kon bangusa mita koagungan bo bayongan in inta inaidan-Nea.

YESAYA 33:5

Ki Tuhan in momulia totok; Sia in nongawasa kon bayongan yagi-yagi. Sia in moposindogbí in hukum bo koadilan kon Yerusalem

YESAYA 6:3

Mosia in nosigumanan tobatú bo tobatú: “Kudus, kudus, kudus. Mokudusdon in ki Tuhan Inta Totok in mokawasa. Butá nopuḻing in kinoangoian-Nea inta momulia.”

ZAKHARIA 9:17

Totuu mopia in butá i Tuhan kon singgai moiduduimai, totuu mopia bo moḷunat! Kon tua anggur bo gandum motoḷubú in kobobiagnea, mokoropot kon tayowmobiag bo mongodeaga.

MATIUS 6:13

Donaaidon pomayá mako in kami kobuḻian in pirisaya kon dodai in kami koantugan in totungkuḷ, táe pilataidon in kami nongkon kawasa i inta Moraat! [Sin Ikobí in Datu inta mokawasa bo momulia dapot in mononoi. Amin.]’

EPESUS 4:10

Bo Sia inta ain noponag tua, Sia doman tua inta ain noponik nodapot in tampat inta moḷantu-ḷantud nongkon ḷangit sahingga kon ondakabí in Sia oyúonbí kon dunia naa.

PILIPI 3:8

Deemanbí tongá kon soaḷ mita tatua; táe kon bayongan doman in rupa-rupa inanggapkudon diá in mangaḻenea. Sin naonda in akuoi nonotaaudon kon i Kristus Yesus, yo kinorasaanku kon tuabí in mopia-pia nongkon bayongan in rupa-rupa. Lantaran ki Kristus, dá bayongan in rupa-rupa sinaḷaankudon sin tua komintan diábí in mangaḻenea, bo bá mouḻíkudon in ki Kristus,

PETRUS 1 3:22

bo ain namonik in soroga. Bo tanaa mako Sia ain nongawasa noyotakin i Allah bo nomarenta doman kon bayongan malaekat, bayongan mongongawasa bo bayongan ropot kon dunia naa.