MAZMUR 146:8 - Alkitab Singog In Mongondow Masa In Tanaa

⁸ bo mobuká kon mata in intau bilog. Sia in moposindog kon intau inta noḷabú, bo motabi kon intau inta mojujur.

MAZMUR 146:8 Iomraidhean Croise

MAZMUR 11:7

Sin ki Tuhan in mopia bo moadil, Sia in motabi kon intau inta nogaid kon inta mopia; intau motuḻid in mokoontongbí bo monotaau kon i Tuhan.

MAZMUR 145:14

Ki Tuhan in motuḷung kon intau inta kinoantugan in susa, Potorindogon-Nea in intau inta noikuyung.

MAZMUR 147:6

Sia in noposindog in intau inta dinorot, táe intau moraat in pogambat-Nea kon butá.

YESAYA 35:5

Kon dodai intua intau bilog in mokoontongdon, bo intau bongoḷ in mokodongogdon.

YESAYA 42:16

Bangusa-Ku inta bilog in kapiton-Ku pongin daḷan inta diá kinotaauan monia; mosia in diaan-Ku kon daḷan mita inta diá kinotaauan monia. Sindip baḻíon-Ku bayag kon i monia, bo daḷan inta notangkaḻembong in tondodaion-Ku. Tuata in aidan-Ku kon i monia, bo notantú bidon kon aidan-Ku.

YESAYA 42:18

Ki Tuhan in noguman, “Indongogaidon ei intau mita bongoḷ! Indoiaidon, ei intau mita bilog!

MATIUS 11:5

Moiko ain nokoontong: intau bilog mokoindoi, intau ḻempeng mokobayá, intau pinanyaki kuḻit inta mokorongó nopia, intau bongoḷ mokodongog, intau minatoi in nobangon bo Habar Mopia pinoyaput kon intau mita bogá.

MATIUS 9:30

Dá nokoontongdon in mosia. Bo ki Yesus nongoyow totok kon i monia, kon donaai oumanon kon i inekabí in onu inta ain nobaḻí tanaa.

YOHANES 16:27

sin ki Amá in motabibí kon i monimu. Sia in motabibí kon i monimu sin moiko in motabi kon i-Nakó, bo mopirisaya kon Akuoi in namangoi nongkon i Allah.

OUMAN IN RASUL MITA 26:18

mobuká kon mata monia, sinbá mobuká in mata monia bo mokoontong kon inta mobayag; bo diádon kopongaruan in Ibilis táe tongádon tantú kon bonu in kawasa i Allah. Sin aka mopirisaya kon i-Nakó, yo dosa mita monia in tokoampunganbí bo mobaḻíbí umat mita inta piniḻí i Allah in mosia.’ ”

KORINTUS 2 7:6

Tongá sukur mako, sin ki Allah in tantú nobogoi in gina moropot kon intau inta moompá in dodia; bo pinopoangoi-Nea in ki Kristus, sinbá mosanang totok in gina nami.

EPESUS 1:18

Poigumonku doman kon i Allah, sinbá bukáan-Nea in raian monimu sahingga in mobayagdon bo komangaḻeandon monimu in onu inta motaau harapon monimu nongkon i Allah inta nogoiní kon i monimu. Bo bá kotaauandon doman monimu kon mobayongbí totok in barakat mopia inta sinadia i Allah kon umat-Nea;

ULANGAN 33:3

Totuu, ki Tuhan in motabi kon bangusa-Nea Sia in mogoḻiungbí kon bayongan in intau inta nobaḻí kapunyaan-Nea. Koḻigai in kita dumokó kon tayowon in sioḷ-Nea bo dumudui kon parenta-Nea mita.

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.