MAZMUR 146:6 - Alkitab Singog In Mongondow Masa In Tanaa

⁶ Siabí inta ain nomaḻí kon ḷangit bo butá, dagat bo bayongan in tombonunea; Sia in umuranbí mosatia modapot in mononoi.

MAZMUR 146:6 Iomraidhean Croise

KINOBAḺIAN 1:1

Kon pinomangkoian, tungkuḷ in ki Allah nomangkoi nomaḻí kon dunia naa,

MAZMUR 100:5

Sin ki Tuhan tua in mopia; tabi-Nea in mononoi, bo kososatia-Nea in modapot in adí bo ompu.

MAZMUR 115:15

Igumon mako moiko in barakatan i Tuhan, inta nomaḻí kon ḷangit bo butá!

MAZMUR 117:2

Sin moḷobenbí in tabi Tuhan kon inaton kososatia-Nea in umuranbí mononoi. Dayowdon in ki Tuhan!

MAZMUR 33:6

Ki Tuhan in nomarenta, dá nobaḻí in ḷangit; mata in singgai, buḷan bo tundi pinomia-Nea pinongin tosingogon-Nea.

MAZMUR 89:2

Totabi-Mu, Tuhan, in popodondongku modapot in mononoi, kososatia-Mu in umurankubí potaa-taau mako modapot kon adí bo ompu.

MAZMUR 89:33

yo mosia in hukumon-Ku in sambok popisí in iḻimimpatdon, bo popoumaan-Ku in bodito popisí in dosanea mita.

MAZMUR 95:5

Sia in nongawasa kon dagat, sin Sia in nomia kon tua, toba doman Siabí in kitogi mia.

MAZMUR 98:3

Kinotoropan-Nea in tabi bo kososatia-Nea kon Israel, umat-Nea. Bayongan in bangusa kon sinangkub in butá ain nokoontong kon kinountungan i Allah naton.

IḶUAIAN 20:11

Onom nosinggai, Akuoi, ki Tuhan, nomaḻí kon butá, ḷangit, dagat bo bayongan inta kon bonunea, táe kon singgai inta nogimpitu Akuoi in nogogai. Tuamai Akuoi, ki Tuhan, momarakat kon singgai in Sabat bo baḻíon-Ku singgai-Ku intua.

YEREMIA 32:17

“Tuhan Inta Totok in momulia, Ikobí inta nomaḻí kon ḷangit bo butá pinongin kawasa bo ropot-Mu inta moḷoben. Diábí in tobatúmai in mororiga aidan-Mu.

DANIEL 9:4

Bayongan in dosa in bangusaku inakuku kon i Tuhan Allahku. Gumanku, “Tuhan Allah, Iko in moḷoben, bo kami in mohoromat kon ini-Mu. Iko in umuranbí mogintompod kon dandi-Mu bo mopoontong in tabi-Mu inta mononoi kon i monia inta motabi kon ini-Mu bo inta nogaid kon onu inta pinoki aid-Mu.

MIKHA 7:20

Kon umat-Mu, buí i Abraham bo i Yakub, poontong-Mubí in kososatia-Mu bo tabi-Mu inta diá in obotnea tua ná inta pinodandi-Mu kon mogoguyang nami dungkuḷmai.

YOHANES 1:3

Bayongan in yagi-yagi pinomia pinodoyon kon i-Nia, bo nongkon bayongan inta oyúon, diábí in tobatúmai in pinomia diá pinodoyon kon i-Nia.

YOHANES 10:34

Bo ki Yesus in notubag, “Degá diábí kinotaauan monimu kon pinais bidon kon bonu in Buk Hukum in agamamu nanaa: ‘Ki Allah in nogumandon, moiko in ilahbí?’

OUMAN IN RASUL MITA 14:15

“Ei, nongonu sin moiko in mogaidbí kon nanaa? Kami naa in intaubí doman ná moiko! Kami in kon naa tongábí namangoi mopoyaput in Habar Mopia kon i monimu sinbá taḷaanmaidon monimu in soaḷ mita inta diá baraguna tanion bo mopirisayadon kon i Allah inta aindon nobiag nongkon kinopatoian-Nea, ki Allah inta nomia kon ḷangit bo butá, dagat bo bayongan inta kon bonunea.

ULANGAN 7:9

Pokotorop kon ki Tuhan Allahmu in tongábí Sia-Sia mita in ki Allah, bo Sia in Allah inta mosatia. Ki Tuhan nogintompod kon dandi-Nea bo noponiata in tabi-Nea inta diá modai-dait modapot in toribu nopobuían kon intau mita inta motabi kon i-Nia bo motoindudui kon parenta-nea mita.

KOLOSE 1:16

Sin pinongin i-Nia tua ki Allah in nomia kon bayongan in yagi-yagi kon soroga bo kon dunia naa, inta koontongan bo inta diá koontongan, noitakin doman in bayongan roho inta nongawasa bo inta nomarenta. Bayongan inta kon ḷangit bo inta kon butá pinomia pinongin i Kristus bo untuk doman kon i Kristus.

TITUS 1:2

Totundú tatua in pinodoyonbí kon harapan kon kita in motarimabí kon kobiagan inta mopia bo mononoi. Kobiagan tatua in pinodandi bidon i Allah kon tungkuḷ in dunia naa diápa pinomia. Ki Allah in diábí monguboḷ.

IBRANI 6:18

Doyowa nopasaḷ tatua in diábí mobaḷu-baḷui: Totuuonbí i Allah in dandi bo ibot-Nea tatua. Sia in diábí monguboḷ. Manangka intua kita inta umuran umoḻiung kon i-Nia, umuran-Nea inogoian in ropot bá umuran kumadai kon onu inta i harap mako kon tayowon naton.

WAHYU 14:7

Malaekat tatua in nomaḷú noropot totok, nanaa: “Koondokdon kon i Allah, bo pomuliadon in Sia! Sin naadon in wakutu i Allah mohakim kon dunia. Sumbadon in Sia inta ain nomia kon ḷangit, butá dagat bo bayongan in bokaká!”