MAZMUR 146:4 - Alkitab Singog In Mongondow Masa In Tanaa

⁴ Aka mosia matoi, mosia in buibí mobaḻí butá; singgai doman tatua bayongan in tomayá monia modait.

MAZMUR 146:4 Iomraidhean Croise

KINOBAḺIAN 2:7

Onda intua ki Tuhan Allah in nogamá kon butá bodongka pinomia-Nea in tobatú intau, bodongka pinopoirupan in tompot inta mobogoi in kobiagan, pinopoirup kon bonu in ngiungnea; dá nobiagdon intau tatua.

KINOBAḺIAN 3:19

Iko totok in rumoriga in mogaid modapot in uḷatan sinbá butá mobogoi in boyó kon inimu, modapot in iko mobui mobaḻí butá, sin iko in pinomiabí nongkon butá. Iko in pinomia nongkon butá, bo bui mobaḻí butá.”

KINOBAḺIAN 6:17

Poangoi-Ku in ḷunud moḷoben sin poyopú kon bayongan in mahaḷuk inta nobiag kon dunia naa. Bayongan yagi-yagi kon dunia naa modaitbí matoi,

AYUB 14:10

Táe aka intau in matoi, modaitdon in oumannea; sia in monaḷámai kon dunia, bo kon onda in bayáannea?

AYUB 14:21

Ki adínea mita in nobaḻí intau moḷoben, táe diá kinotaauannea intua. Bo aka mosia mobaḻí mohina, diábí in mopotaau kon inia.

AYUB 17:1

Singgai kopatoianku in nodiugdon, gogiódon mobontow in poginaanku; dongkadon poḷoḷobongan in moyotakinku.

AYUB 17:11

Singgaiku mita in noitaḻibdon, diádon nobaḻí in bayongan tomayáku; nobuḻi domandon komintan in bayongan koibog in ginaku.

AYUB 27:3

akuoi in mongibot: Aka ki Allah mobogoipa in poginaan kon inakó, aka dimukud notobatúpa in awakku,

MAZMUR 104:29

Aka iko monoḻikud, moondok in mosia; aka gamáan-Mu in poginaannea, matoi in mosia, bo mobaḻí bui ḷobud naonda bo dungkuḷ.

MAZMUR 33:10

Ki Tuhan in nopogogai kon bayongan in tomayá mita in bangusa mita, Sia in nonginggamá kon niat monia.

MAZMUR 90:3

Iko in nopotabá kon intau mobui nongkon kinobaḻiannea, mobaḻí ḷobud naonda bo dungkuḷ.

MOHOHUTUBA 12:7

Awak naton in mobuidon, mobaḻí ḷobud kon butá. Tompot kobiagan naton in mobuidon kon i Allah. Sia in nobogoi noponotabi.

MOHOHUTUBA 9:6

Porasaan tabi, yongó bo napusunea, komintan bidon matoi moyotakinnea. Diá bidon in sia mogamá kon tonsilai onuka kon bayongan onu in nobaḻí kon dunia.

YESAYA 2:22

Dá, dikabí umandoḷ kon intau inta mato-matoi naa, sin sia in diábí in mangaḻenea.

OMBAḶ 4:20

Mosia in nodomok kon datu inta piniḻí i Tuhan, intau inta pinongata nami saḷaku mobobogoi in kobiagan, bo moḷukad kon inami nongkon ḷawang.

DANIEL 5:23

Ki Tuangku in dinumodia kon i Tuhan kon soroga bo nokobaḻí nokidia mangoi kon naa in bayongan palo mita inta ain inagow nongkon Baḷoi i Tuhan. Bo ki Tuangku takin intau mita moḷoben, bo ki buḷoi mita i Tuangku takin pahang mita i Tuangku in nonginum nomaké in palo mita tatua. Ki Tuangku in nodayow kon dewa mita inta pinomia nongkon buḷawan, saḷaka, bitú, uatoi, kayu bo batu, dewa mita inta diá mokoontong andeka mokodongog andeka momangaḻe kon onuka. Ki Tuangku in diá mohoromat kon i Allah inta nonantú kon kobiagan bo kopatoian i Tuangku bo inta monantú kon daḷan kobiagan i Tuangku.

KORINTUS 1 2:6

Umpaka, natua yo umuranbí doman oumanon in soaḷ kabijaksanaan i Allah kon sigad in intau mita inta totu-totuudon nopirisaya. Táe deemanbí kabijaksanaan in dunia, andeka kabijaksanaan pongawasa mita masa in tanaa, inta kawasanea in moinggamábí.