MAZMUR 146:3 - Alkitab Singog In Mongondow Masa In Tanaa

³ Dikadon mongamang kon mongongawasa, kon intau inta diá mokoposaḷamat.

MAZMUR 146:3 Iomraidhean Croise

DATU MITA 2 6:27

Ki datu in notubag, “Aka diá tuḷungan i Tuhan in iko, yo naondabí in akuoi mokotuḷung kon inimu? Diá in gandum andeka tubig in anggur kon inakó!

TAWARIKH 2 16:7

Kon tungkuḷ intua ki Nabi Hanani namangoi kon i Datu Asa bo noguman, “Popisí in iko inumandoḷdon kon i datu in Siria, bo deemanbí kon i Tuhan Allahmu, dá noinggamádon in kasampatanmu monaḷow kon tontara i datu in Israel.

MAZMUR 108:12

O Allah, diá degá in Iko mayá moyotakin nami? Diá degá in Iko mayá moyotakin in tontara nami?

MAZMUR 60:11

Ki ine in modia kon inakó mayá in Edom? Ki ine in mokapit kon inakó mayá in kotá kobenteng tatua?

MAZMUR 62:9

Ei bangusaku, pongamangdon kon i Allah pomuḷoi mako; potaaudon kon i-Nia onu in kon bonu in ginamu, sin Siabí in tampat naton poniungan.

YESAYA 2:22

Dá, dikabí umandoḷ kon intau inta mato-matoi naa, sin sia in diábí in mangaḻenea.

YESAYA 22:25

Aka tua in mobaḻí, dá pakú inta pinopopakú noropot tua in morabutbí bo moḷabú. Bo tuata in imbuit in inanakan motoḷuadí bo bayongan in intau inta nopoandoḷ in kobiagan kon inia. Akuoi, ki Tuhan, ain nosingog.”

YESAYA 31:3

Intau in Mesir tongábí intau, deemanbí Allah. Kabaḷo monia in biagbí biasa, deemanbí ná ki Allah. Aka ki Tuhan mopoaid in oaidan-Nea, bangusa inta mototuḷung tatua in moipintudbí bo bangusa inta sinuḷungannea in moḷabúbí. Dá taya dua tua in tumpaḷa moyopú.

YESAYA 37:6

ki Yesaya nopotabá kon totabá mita tatua mopotaau in tubag tanaa, “Ki Tuhan in noguman, ki tuang datu in dikabí moondok in mokodongog kon ata mita in datu in Asyur tatua kon ki Tuhan in diábí mokopoḷuat kon i naton.