MAZMUR 143:7 - Alkitab Singog In Mongondow Masa In Tanaa

⁷ Ḷagidon kaasí tubagai in akuoi, o Tuhan, sin diádon in kamangku. Dika mogadop kon inakó, sinbá akuoi in diá ná intau inta ain noponag kon dunia in intau minatoi.

MAZMUR 143:7 Iomraidhean Croise

MAZMUR 102:2

O Tuhan, indongogaipa kaasí in sambayangku, biódon mako kuaniku modapot kon ini-Mu.

MAZMUR 22:24

Dayowdon in sia, ei intau mita inta mopirisaya! Pomuliadon in Sia, bayongan bui i Yakub! Tonsiupdon kon i-Nia, bayongan in buí in Israel!

MAZMUR 27:9

dikabí mogadop kon inakó.” Dikabí tumorú bo doí motarima kon i mogogundoi-Mu, sin Ikobí in inta ain notuḷung kon inakó. Dikabí moḷumbú kon inakó andeka monaḷámai kon inakó, o Allah, mopoposaḷamatku.

MAZMUR 28:1

Mazmur i Daud. O Tuhan, kon ini-Mubí in pokuanianku, Iko in mododuḷuku, indongogaipa in kuaniku. Aka Iko bo tongá kibio-biómai kon inakó, yo akuoi in naonda bo intau inta moponag kon bubú in poḷobongan.

MAZMUR 40:17

Igumon mako in bayongan in intau inta nosumba kon ini-Mu moḷunganga bo mopia in gina, bo bayongan inta motabi kon kasaḷamatan nongkon ini-Mu umuran moguman, “Totuubí moḷantud in ki Tuhan!”

MAZMUR 69:17

Tubagaidon in akuoi, o Tuhan, sin Iko in mopia bo tabi-Mu in mononoi. Bobuipa kaasí in akuoi sin tabi-Mu in totuubí kon moḷoben.

MAZMUR 69:18

Dikabí mogadop kon mogogundoi-Mu naa, sin moyoyigadon totok in akuoi, ḷagidon tuḷungai mangoi in akuoi.

MAZMUR 69:3

Akuoi in noibonu kon dampaḷ inta modaḷom, diá in pomuntukan. Akuoi in noḷomot kon tubig inta moḻinow, iniḻig in bokoḷ kon dodai in tubig noponik.

MAZMUR 70:5

Igumon mako bayongan in intau inta nosumba kon ini-Mu moḷunganga bo mopia in gina; bo bayongan in intau inta moibog in kasaḷamatan nongkon ini-Mu umuran moguman, “Totuubí kon moḷantudbí in ki Tuhan!”

MAZMUR 71:12

Dika in Iko yumayú kon inakó, o Allah, Allahku, ḷagidon tuḷungai in akuoi.

MAZMUR 84:2

Totuu mokosanang in tampat pogogutunan-Mu, o Allah Inta Totok in mokawasa!

AMSAL 13:12

Aka kamang diá intompodan, mororiga in gina; aka ibog kinodapotan, mosanang in gina.

YESAYA 38:18

Kon bonu in popatoi diábí in modayow kon ini-Mu, intau minatoi in diábí umandoḷ mako kon kososatia-Mu.

YESAYA 57:16

Diábí modapot in mononoi Akuoi in mopotaḷá kon umat-Ku, diábí mononoi in tumorú in Akuoi, sinbá mosia in diá kobuḻian in ibog, bokaka Akuoibí in inta nomiag kon i monia.

YESAYA 8:17

Ki Tuhan ain nogadop kon buí i Yakub, umat-Nea, táe mopirisayabí in akuoi bo umandoḷ mako kon i-Nia.

LUKAS 21:26

Intau mita in moondok totok in moyogintayow in onu inta mobaḻí kon dunia naa, bo bayongan kawasa kon baḷangon motombauk.