MAZMUR 141:2 - Alkitab Singog In Mongondow Masa In Tanaa

² Tarimapa in sambayangku saḷaku sosumba kamania, bo ḻimaku inta noiyopa saḷaku kuruban doḷom.

MAZMUR 141:2 Iomraidhean Croise

DATU MITA IMITÁNEA 18:36

Naonda in orasdon moposumba in kuruban ḷoḷabungnea, ki Nabi Elia in dinimiug kon mezbah tatua bo nosambayang, “Oo Tuhan, Allah inta sinumba i Abraham, i Ishak bo i Yakub, poniatadon in tanaa mako kon Ikobí in Allah kon Israel, bo akuoi naa in mogogundoi-Mu. Poniatadon doman kon bayongan inta pinomiaku naa in parenta-Mubí.

EZRA 9:4

Tantú in akuoi iḻimitú mako natua nodapot in wakutu pobogoian in sosumba kuruban ḷoḷabungnea. Bo namangoidon in intau mita iḻimibu kon inakó. Mosia inangoian in ondok nokodongog kon gogondok i Tuhan popisí in dosa in intau mita inta ain nobui nongkon pinoḷumbúan tatua.

MAZMUR 134:2

Tonggó in ḻimamu potundú ná tampat motusi, bo dayowdon in ki Tuhan!

MAZMUR 28:2

Indongogaipa in oigumku aka akuoi momaḷú mokituḷung, bo mopotundú in ḻimaku kon Baḷoi-Mu inta motusi.

MAZMUR 5:3

Indoiaipa kaasí in oigumku bo tuḷungaipa in akuoi, o Datuku, o Allahku.

MAZMUR 63:4

Tabi-Mu in mobara-baraguna nongkon mobiag, tuamai akuoi in modayow kon ini-Mu.

IḶUAIAN 29:39

Tobatú in posumba doḷo-doḷom, bo tobatú in posumba ḷoḷabungnea.

IḶUAIAN 35:15

mezbah pototubáan kon dupa takin kayu tombuḻigannea, ḷana pakéon kon upacara, dupa inta mobondu; toḻipoi inta pakéon kon ḷoḻingkop in Ḷoḷaigan,

AMSAL 15:8

Ki Tuhan in motarima kon sambayang in intau mopia, táe doíbí in Sia kon sosumba in intau moraat.

DANIEL 9:21

Koyogot in akuoi nosambayang, ki Gabriel inta ain inontongku inta kon ontongonku inta muna, iḷumayug mangoi kon inakó. Tungkuḷ intua wakutudon in intau moposumba in kuruban muḷoi in ḷoḷabungnea.

MALEAKHI 1:11

Akuoi in ihoromat in bangusa mita kon sinangkub in dunia. Kon ondaka tubáan monia in kamania sin mohoromat kon tangoi-Ku bo moposumba in kuruban inta patus, sin bayongan in bangusa in mohoromatbí kon i-Nakó!

PINOGIAPAN 16:35

Bo ki Tuhan nopoangoi in tuḷú inta nomokak kon doyowa nogatut bo ḻima nopuḷú in intau inta noposumba in dupa tatua.

OUMAN IN RASUL MITA 3:1

Kon singgai tobatú wakutu in orasdon posambayangan sin aindon jam nogintoḷu ḷoḷabungnea, ki Petrus bo ki Yohanes in minayá sinumuot kon Baḷoi Tuhan.

TIMOTIUS 1 2:8

Ibogonku kon ondakabí, yo bayongan in ḷoḷaki musti mosambayang takin gina motuḻid, diá in yogenggeng ande bobayowan.

WAHYU 5:8

Koyogot in ki Adí in Domba tatua nogabat kon ḻitodan in buk tatua, sinumungkudon in mahaḷuk opat tatua takin itoi mita doyowa nopuḷú bo opat kon tayowon-Nea. Mosia notukid in kecapi bo palo buḷawan inta binonuan in kamania, tuata in sambayang mita in umat i Allah.