MAZMUR 141:1 - Alkitab Singog In Mongondow Masa In Tanaa

¹ Mazmur i Daud. Akuoi in mokuani kon ini-Mu, o Tuhan, ḷagidon tuḷungai kaasí in akuoi! Indongogaipa kaasí in akuoi aka mokuani kon ini-Mu.

MAZMUR 141:1 Iomraidhean Croise

AYUB 7:21

Diádon degá mokoampung in Iko kon dosaku? Diádon degá in Iko mokopopat kon taḷáku? Diádon moonggot bo akuoi moiuḻid kon bonu in poḷoḷobongan, bo aka tayakon-Mu in akuoi, diá bidon mouḻí-Mu.”

MAZMUR 143:1

Mazmur i Daud. O Tuhan, indongogaipa kaasí in sambayangku, indoiaipa kaasí in oigumku. Tubagaipa in akuoi podoyon kon kososatia-Mu, tubagaidon in sambayangku podoyon kon kooadil-Mu.

MAZMUR 143:7

Ḷagidon kaasí tubagai in akuoi, o Tuhan, sin diádon in kamangku. Dika mogadop kon inakó, sinbá akuoi in diá ná intau inta ain noponag kon dunia in intau minatoi.

MAZMUR 22:19

Mosia in nosilai kon pakeangku, bo nopogonik in undi sin mogamá kon jubahku.

MAZMUR 28:2

Indongogaipa in oigumku aka akuoi momaḷú mokituḷung, bo mopotundú in ḻimaku kon Baḷoi-Mu inta motusi.

MAZMUR 40:13

Akuoi in kinopung in bodito inta mobayong, kobayongnea in diádon koiyapan. Akuoi in inaḷo-aḷowan mako in dosaku nodapot in akuoi diádon mokoontong. Kobayongnea in noiḻiu kon kobayong in buok kon uḷuku, nodapot in akuoi kinobuḻian in kamang.

MAZMUR 70:2

O Allah, posaḷamatdon in akuoi, Tuhan, ḷagidon tuḷungai kaasí in akuoi!

MAZMUR 70:5

Igumon mako bayongan in intau inta nosumba kon ini-Mu moḷunganga bo mopia in gina; bo bayongan in intau inta moibog in kasaḷamatan nongkon ini-Mu umuran moguman, “Totuubí kon moḷantudbí in ki Tuhan!”

MAZMUR 71:12

Dika in Iko yumayú kon inakó, o Allah, Allahku, ḷagidon tuḷungai in akuoi.