MAZMUR 140:6 - Alkitab Singog In Mongondow Masa In Tanaa

⁶ Intau mokaḷakuang umado-adop in motaan kon potait kon inakó, bo mobukayad kon pukot sin podomok kon inakó. Kinoouput in daḷan mosia in motaan kon poyogaḷap sin modomok kon inakó.

MAZMUR 140:6 Iomraidhean Croise

MAZMUR 116:1

Akuoi in moibog kon i Tuhan, sin inindongogan-Nea in akuoi bo nonaridimai kon oigumku.

MAZMUR 119:57

Tongábí Iko tontaní in koibogku, o Tuhan, akuoi in modandi kon mogaid kon onu in sinundú-Mu.

MAZMUR 130:2

Tuhan, indongogaipa kaasí in kuaniku, indongogaipa kaasí in oigumku.

MAZMUR 142:4

Kon dodai in akuoi gogió bo kobuḻian in kamang, kinotaauan-Mu mongo onu in musti aidanku. Kon daḷan inta musti bayáanku, musung inumado-adop notaan kon potait kon inakó.

MAZMUR 142:5

Kon dodai in akuoi nobobui kon sikumai, diábí in inontongku in motuḷung kon inakó. Diábí in nogoḻingoi kon inakó, andeka inta nopandungmai kon inakó.

MAZMUR 143:1

Mazmur i Daud. O Tuhan, indongogaipa kaasí in sambayangku, indoiaipa kaasí in oigumku. Tubagaipa in akuoi podoyon kon kososatia-Mu, tubagaidon in sambayangku podoyon kon kooadil-Mu.

MAZMUR 16:2

Akuoi in moguman, “Ikobí in ki Tuhanku, mokoḷunganga kon ginaku, diábí in noiḻimpat kon ini-Mu!”

MAZMUR 31:14

Kon ondaka umuranbí oyúon in mokokoningkim; dongogonku in yogombong mita in musungku. Mosia in moyopakat moḷawang kon inakó, bo momia kon tomayá sin moḻimod kon inakó.

MAZMUR 57:7

Musungku in motaan kon potait kon inakó, bo momutoḷ kon ibog in ginaku. Mosia in nongaḻi kon bubú kon daḷanku, táe mosiabí tontaní in noibonu kon tua.

MAZMUR 64:1

Kon i itoi in mododondong. Mazmur i Daud.

MAZMUR 91:2

in motaaubí in moguman kon i Tuhan, “Ikobí in mododuḷu bo mogogoḻingoiku, Allahku, Ikobí in pirisayaanku.”

YEREMIA 18:22

Potabádon in mogogagow daḻí mamangoi kon baḷoi monia, dá kumarak in mosia popisí in ondok. Mosia in nongaḻidon kon bubú sinbá moḷabú in akuoi kon bonunea, bo mosia in notaandon kon potait sin podomok kon inakó.

OMBAḶ 3:24

Ki Tuhan in kapunyaankubí totobatú tua. Tuamai, umandoḷ in akuoi kon i-Nia.

ZAKHARIA 13:9

Tongádon 1/3 nea in mosaḷamat. Bo mosia tua in potusion-Ku naonda bo saḷaka inta pinomurni in tuḷú. Mosia in ujion-Kubí naonda bo intau moguji kon buḷawan. Bo mosia in mosambayang kon i-Nakó, bo tubagan-Ku in mosia. Akuoi in moguman kon i monia kon mosia in umat-Ku, bo akúon doman monia kon Akuoibí in ki Tuhan Allah monia.”