MAZMUR 140:5 - Alkitab Singog In Mongondow Masa In Tanaa

⁵ O Tuhan, ḷukadaidon in akuoi nongkon kawasa in intau moraat, ḷukadaidon in akuoi nongkon intau inta moḻingá inta moniat mopoḷabú kon inakó.

MAZMUR 140:5 Iomraidhean Croise

AYUB 18:9

Singkodnea in noibaaḷ kon ḻikot, dá kinodomokandon in sia.

MAZMUR 119:110

Intau moraat in motaan kon poyogaḷap kon inakó, táe akuoi in diábí sinumabat kon atorang-Mu.

MAZMUR 119:69

Intau moḷoḷatú noningkuḻe kon inakó, táe noḻimbatúbí in ginaku in sinumoḷutui kon atorang-Mu.

MAZMUR 119:85

Intau inta diá dinumudui kon hukum-Mu, nongaḻidon kon bubú sinbá kotopakanku.

MAZMUR 142:3

Kon tayowon-Nea akuoi nogamui; pinotaauku in bayongan susaku kon i-Nia.

MAZMUR 31:4

Oo, Iko in naonda bo buḷud batu bo benteng inta moropot kon inakó! Kapitdon in akuoi podudui in dandi-Mu.

MAZMUR 35:7

Diábí in mangaḻenea pinotaanan monia kon poyogaḷap kon inakó andeka mongaḻi kon bubú sin podomokan kon inakó.

MAZMUR 36:11

Igumon mako Iko in umuran motabi kon intau inta nonotaau kon ini-Mu, bo mogaid kon inta mopia kon intau inta motuḻid in gina.

MAZMUR 43:1

Ogoidon kon inakó in inta moadil, o Allah, duḷuaidon in hakku nongkon bangusa inta moraat. Poḷuatdon kaasí in akuoi nongkon intau moraat bo motombuḻitok.

MAZMUR 57:6

O Allah, poontongdon in koḷoḷantud-Mu kon ḷangit, bo kamuliaan-Mu kon sinangkub in butá.

AMSAL 24:15

Dikabí ná intau moraat inta moyopakat mogagow kon onuka kon intau motuḻid bo mogagow kon baḷoinea.

AMSAL 29:5

Ki ine in moduí kon tumpaḷa intau, in motaanbí kon potait kon inia.

YEREMIA 18:18

Intau in moguman, “Igai moyopopog in kita moḷawang kon i Yeremia. Deemanbí tongá sia in motaau mosingog kon i Allah. Umuranbí oyúon in imang inta motaau mobogoi in topotundú, oyúon in intau mobijaksana in motaau mobogoi in tonggina; bo oyúon in nabi in motaau mopotaau kon i naton in koyow mita nongkon i Allah. Igai pongaduon naton in sia kon pongadilan bo diádon mokidongog kon tosingogonnea mita.”

YEREMIA 18:20

Patus degá in mopia tuḻían in inta moraat? Táe mosia in nongaḻidon kon bubú sinbá moḷabú in akuoi kon bonunea. Toropdon kon akuoi noduḷudon kon i monia kon tayowon-Mu, sinbá diá in Iko tumorú kon i monia.

YEREMIA 18:22

Potabádon in mogogagow daḻí mamangoi kon baḷoi monia, dá kumarak in mosia popisí in ondok. Mosia in nongaḻidon kon bubú sinbá moḷabú in akuoi kon bonunea, bo mosia in notaandon kon potait sin podomok kon inakó.