MAZMUR 14:4 - Alkitab Singog In Mongondow Masa In Tanaa

⁴ Guman i Tuhan, “Diádon degá noratak in intau mita tatua? Mosia in nobiag takin nogagow kon umat-Ku bo diábí kon dodai in onda in noigum pinongin sambayang kon i-Nakó.”

MAZMUR 14:4 Iomraidhean Croise

AYUB 21:15

Irai monia, “Mogundoi kon i Allah in diábí in baragunanea, bo mosambayang kon i-Nia in diábí in mangaḻenea.

AYUB 27:10

Musti in sia mopoimoḷat mako kon kobobiag mopia nongkon i Allah, bo diá moḷopi-ḷopí in mosambayang kon i-Nia.

MAZMUR 27:2

Aka akuoi tubuon in intau moraat inta moibog moḻimod kon inakó, yo mosiabí in moipintud bo moḷabú.

MAZMUR 79:6

Pobutakdon in torú-Mu kon bangusa mita inta diá nonotaau kon ini-Mu, bo kon dodatuan mita inta diá noibada kon ini-Mu.

MAZMUR 82:5

Moiko in diábí nonotaau in onu bo onu, bodok bo noiḷaḻe, popisí in moiko, diá notampuimai in atorang kon intau mobayong.

AMSAL 30:14

Oyúon in intau in motayak kon pakéon pongin aid inta moromú; mosia in moraat bo mogagow kon intau bogá bo intau moyangkó.

YESAYA 27:11

Aka tanganea mita moingkagdon bo moputoḷ, bobay mita in mamangoi mogamá sin pondungú. Bangusa tatua in diábí nonotaau in onu bo onu, dá ki Allah inta nomaḻí kon inia in diábí motabi andeka monotabi kon i monia.

YESAYA 29:14

Tuamai in taḻikokogan-Ku in mosia in sambok inta moyo-moyodudui. Intau inta mobijaksana in mobaḻí mobodok, bo bayongan in pandoi monia diábí in mangaḻenea.”

YESAYA 45:20

Ki Tuhan in noguman, “Poyosipundon bo angoidon moyotakin, moiko komintan inta nosaḷamat kon sigad in bangusa mita! Bodokdon in intau mita inta nongurig kon patong kayu, bo nosambayang kon dewa mita inta diá mokoposaḷamat.

YESAYA 5:13

Tuamai in umat-Ku inta diá nonotaau in onu bo onu in diaanbí mayá nobaḻí intau dinakop. Itoi mita bo rayat in matoibí in gogoy bo rogang.

YESAYA 64:6

Kami komintan in intaubí mita inta nonajis, nodapot in aid nami inta mopiapa in diá nodarit bo nokotor. Kami in moputúdon popisí in aid nami moraat naonda bo daun noingkag pinoḷayug in tompot.

YESAYA 64:7

Diá in nosambayang kon ini-Mu, andeka nopoigum in totuḷung-Mu, sin Iko in nogadop kon inami, bo nopomayá mako kon inami in iyopú in dosa nami.

YEREMIA 10:25

Popotugatdon in torú-Mu kon bangusa mita inta diá mopirisaya kon ini-Mu bo inta doí mosumba kon ini-Mu. Sin mosia in noyopúdon kon umat-Mu komintan bo norimumud kon ḻipú nami.

HOSEA 7:7

Kon bonu in torúnea, mosia in noḻimod kon itoi mita monia. Bayongan in datu monia ain iḻimod noyo-noyodudui. Táe umpaka kaadaan nádomai tua in koraatnea, yo diábí doman tobatúmai in nosambayang kon i-Nakó sin mokituḷung.”

AMOS 8:4

Indongogaidon, ei moiko inta nondorot kon intau bogá kon butá tanaa nodapot in mosia noyopú!

SURAT I PAULUS KON JAMAAT RUM 1:28

Bo lantaran irasa in intau kon diábí paraḷu in mosia monotaau kon i Allah, dá pinomayá bidon mako i Allah in kogoguyaatan in raian monia, sahingga in nogaidon mosia kon soaḷ mita inta pinoton aidan.

GALATIA 5:15

Táe aka moiko bo moibog mosi kamburungan ande mosi ḻimodan, yo kopopia sin dikabo moiko in tumpaḷa moyoyang.