MAZMUR 139:4 - Alkitab Singog In Mongondow Masa In Tanaa

⁴ Nodapot in diápa akuoi nosingog, kinotaauan-Mu onu in singogonku.

MAZMUR 139:4 Iomraidhean Croise

AYUB 38:2

“Ki ine in iko, modapot in mokobaḻí in diá mopirisaya kon hikmat-Ku pinongin tosingogonmu inta mobodok bo diá in bonunea tua?

AYUB 42:3

Iko in noḻibó mongo nongonu sin akuoi in mokobaḻíbí in diá mopirisaya kon hikmat-Mu bokaka akuoi tontaní in diábí nonotaau in onu bo onu. Akuoi naa in nosingog kon onu mita inta diá kinomangaḻeanku, onu mita inta totok in mokoherang kon inakó naa.

MAZMUR 19:14

Poyayúdon in akuoi nongkon dosa inta sinontuon inaidan, donaai pomayá mako in akuoi kawasaannea. Dá mobaḻídon in akuoi diá in bogit, bo moiḷuatdon nongkon aid moitaḷá inta mobogat.

YEREMIA 29:23

Natuata in ukur monia popisí in nogaidon kon dosa mita moḷoben kon Israel: Mosia in nonuaḻing, bo nopomaké in tangoi i Tuhan sin mongonguman kon inta diá mita totuu. Tua in noyotoḻikud in ibog i Tuhan. Kinotaauan-Neabí in onu inta inaidan monia, bo sia tontaní in nobaḻí sakusi moḷawang kon i monia. Ki Tuhan ain nosingog.”

ZEPANYA 1:12

Kon oras tatua Akuoi in mogamá kon poḷombow, bo moḻikai kon kotá in Yerusalem. Hukumon-Kubí in intaunea mita inta diá mopandungmai tatua takin inta noorop in onu inta kon inia tontaní, bo inta norai kon Akuoi, ki Tuhan in diábí kon dodai in onda in mogaid kon nanaa andeka natua.

YAKOBUS 1:26

Aka oyúon in tobatú intau inta monganggap kon sia tua in motoḷutui in mopobayá kon parenta in agama, táe sia in diá mokotahang in diá mosingog kon intau, dá nonguboḷdon in sia kon inia tontaní; bo diádon mangaḻe in ibadanea tatua.