MAZMUR 137:3 - Alkitab Singog In Mongondow Masa In Tanaa

³ Intau mita inta nodakop kon inami nopotabá kon inami mopodondong kon i monia. Intau mita inta nondorot kon inami nokipodondong in dondong kon inami in mokosanang kon gina, “Popodondongdon kon inami in dondong mita nongkon Sion!”

MAZMUR 137:3 Iomraidhean Croise

TAWARIKH 1 15:27

Kon dodai intua ki Daud nomaké in jubah nongkon kaeng linen moaḷus, natua doman in intau mita inta mopogogitog in musik bo ki Kenanya in nonongganut kon i monia takin intau mita in Lewi inta nobuat kon Poti Dodandian tatua. Ki Daud in nogiḷambung doman in ḷambung epod.

TAWARIKH 1 16:7

Tuata inta dungkuḷ totok ki Daud nopotabá kon i Asap bo yobayatnea mita sin mopodondong in dodayow kon i Tuhan.

NEHEMIA 4:2

Kon tayowon in totakinnea mita bo tontara in Samaria, sia in noguman, “Onu in koyogot aidan in intau Yahudi nobodito inta diá mokopongonu tua? Degá mosia in moibog moposindog bui in kotá tanaa? Kai monia kamai oaidan tatua in moḷapatbí tosinggai, tongá pongin moposumba in kuruban? Degá apat inta nádon buḷud inta ain nopokak tua in motaau baḻíon batu mita podinding?”

MAZMUR 65:1

Kon i itoi in mododondong. Mazmur i Daud. Dondong.

MAZMUR 79:1

Mazmur i Asap. O Allah, bangusa inta diá nonotaau kon ini-Mu ain iḻimitú kon butá budel-Mu. Mosia in noponajisdon in Baḷoi-Mu, Yerusalem in binaḻídon apug,

MAZMUR 80:6

Inogoi-Mu kon inami in uwang mobaḻí kaanon, bo ḷuá mobayong in oinumon.

MAZMUR 9:14

Indoiaidon kaasí, musung mopororiga kon inakó; kotabipa kaasí in akuoi o Tuhan, popoḷaguipa in akuoi nongkon popatoi,

AMSAL 25:20

Modondong kon intau inta kinopatoian in naonda bo nomilang kon inia kon sempo in tumping naonda bo nomutak in boil kon kekebnea.

YESAYA 35:10

Intau mita inta pinoḷuat i Tuhan in mobuibí; mosia in tumuot kon kotá in Yerusalem takin giow, pogot monia in moḷumbá popisí in ḷunganga in gina inta mononoi. Mosia in moḷunganga in gina bo morame; robonoḷ in gina bo amui moinggamádon komintan.

YESAYA 51:11

Dá intau mita inta pinoḷuat i Tuhan in mobuidon mosia in tumuot kon Yerusalem takin rogiow pogot monia in motarimbuka popisí in ḷunganga inta mononoi. Mosia in mobarasanang bo morogiow, kinopatoian bo amui noinggamádon.

YEREMIA 26:18

“Kon tungkuḷ in ki Hizkia nobaḻí datu in Yohuda, ki Nabi Mikha nongkon Moresyet nopotaau kon rayat in koyow tanaa nongkon i Tuhan Inta Totok in mokawasa, ‘Sion in pajekoon naonda bo gobá in tudunea, Yerusalem in mobaḻí pinosipunan kon apug, bo tombuḷud in Baḷoi Tuhan in mobaḻídon kayuon.’

YEREMIA 9:11

Ki Tuhan in noguman, “Yerusalem in baḻíon-Ku apug tampat pogogadopan in ungkú in kayuon. Kotá mita in Yohuda in moingongowdon, tampat inta diádon pinogutunan.”

MIKHA 3:12

Popisí in aid moraatmu tatua, dá Sion in pajekoon naonda bo gobá, Yerusalem in mobaḻí bontuyungan in apug, bo tombuḷud in Baḷoi Tuhan in mobaḻídon kayuon in bo bonganga.

LUKAS 21:6

“Oyúonbí in wakutunea porumbunan kon onu inta inontong monimu tanion; diábí in tobatúmai batu in pomayápa mako in moiguntuḷ motompia kon tampatnea inta muna!”