MAZMUR 136:23 - Alkitab Singog In Mongondow Masa In Tanaa

²³ Sia in diábí nokoḻiong kon i naton kon tungkuḷ in kita sinaḷow; tabi-Nea in umuran mononoi.

MAZMUR 136:23 Iomraidhean Croise

KINOBAḺIAN 8:1

Ki Allah in diábí nokoḻiong kon i Nuh bo bayongan in mahaḷuk inta noyotakinnea kon bonu in uangga moḷoben tatua. Binaḻí i Allah in tompot nogirup, dá tubig tatua in momangkoidon momiot.

MAZMUR 102:17

aka ki Tuhan moposindog bui in Sion, bo simindog kon bonu in koḷoḷantud-Nea.

MAZMUR 113:7

Intau nobogá sinintak-Nea nongkon ḷobud, bo intau malarat in binuat-Nea nongkon ḷobud.

MAZMUR 116:6

Ki Tuhan in noḷukad kon intau mita inta moompá in gina; kon tungkuḷ in akuoi diádon mokopongonu pinosaḷamat-Nea in akuoi.

MAZMUR 142:6

Akuoi in nokuani kon ini-Mu, o Tuhan, Ikobí in pogogadopanku, Tongábí Iko in paraḷuku kon kobiagan tanaa.

YESAYA 63:9

Sia tontaní in kinoantugan in roriga monia. Ki Tuhan in diábí nopotabá in totabá andeka duta; Siabí tontaní inta nopoḷuat kon i monia popisí in tabi bo totabi-Nea. Sia in umuranbí momiag kon i monia nongkon tungkuḷpabímai.

LUKAS 1:48

Sia nokotorop kon inakó, bobantung inta nobogá! Pinangkoi kon tanaa mako bayongan in intau moguman kon akuoi in totok mosanang.

LUKAS 1:52

Datu mita in dunia naa poponagon-Nea mita nongkon tampat pomomarentaan monia, táe intau mita inta moompá in dodia in poḷantudon-Nea.

ULANGAN 32:36

Ki Tuhan in moposaḷamat kon umat-Nea bo motabidon kon mogogundoi-Nea mita, aka ontongon-Nea in mosia diádon kodaya bo kinodaitandon in ropot.