MAZMUR 135:7 - Alkitab Singog In Mongondow Masa In Tanaa

⁷ Nongkon popod in butá Sia nopoangoi in goḷom, pinomia-Nea in kilat kon uyan. Bo pinarentaan-Nea in tompot sinbá ḷumuai nongkon tampat pinotagúan-Nea.

MAZMUR 135:7 Iomraidhean Croise

DATU MITA IMITÁNEA 18:1

Naonda in diá noonggot kon tua, kon taong nogintoḷu kon tungkuḷ in poninggai, ki Tuhan noguman kon i Elia, “Bayádon kon tayowon i Datu Ahab, diádon moonggot poonag-Kudon in uyan.”

AYUB 5:10

Sia in nopoangoi in uyan kon tudu in butá, dá gobá bo rawang nobuntad sin kinouyanan.

MAZMUR 107:25

Podudui in parenta-Nea nogirupdon in deḷang bo noponomburádon kon bokoḷ mita.

MAZMUR 148:8

ei kilat bo uyan eis, salju bo goḷom, deḷang motorú inta dinumudui kon parenta i Tuhan!

MAZMUR 78:26

Pinoki pogirupan-Nea in tompot in pomukaan; pinongin kawasa-Nea tompot in toḷatan nogirup.

YEREMIA 10:13

Pinodoyon kon parenta, nomungkaurdon in tubig kon toḷungayá. Nongkon popod mita in dunia pinoangoi-Nea in goḷom, bo binaḻí-Nea in kilat nonindar kon bonu in uyan, bo pinotabá-Neadon mangoi in tompot nongkon tampat pototagúan-Nea.

YEREMIA 14:22

Dewa mita in bangusa mita diá mokopoḷabú in uyan kon butá. Ḷangit in diábí doman mopoḷabú monag in uyan podoyon kon kawasanea tontaní. Tongábí Iko in andoḷan nami. Inaidan-Mu intua komintan nobaḻí.

YEREMIA 51:16

Tongá pinongin parenta, nogonugurdon in tubig kon toḷungayá. Nongkon popod mita in butá pinoangoi-Nea in goḷom, bo binaḻí-Nea in kilat nonindar kon bonu in uyan, bo pinopoangoi-Nea in tompot nongkon pinotagúan-Nea.

YUNUS 1:4

Ki Yunus in minayá in tampat inta kon ḻimonagan totok bo inumuḻid kon tua, bo nosiug noḷoḷot. Noiduduimai kon tua pinoangoidon i Tuhan in tompot moropot kon dagat, bo nobaḻídon in bokoḷ inta totok in motoyang, inta nondangat kon kapaḷ tatua dá gogiódon bo morimumud. Intau mita in kapaḷ nongoondokdon totok bo nomaḷúdon mokituḷung, kon batúannea mokituḷung kon dewanea-dewanea. Tobatú daya monggaat kon anib moitaḷom, mosia in noḷumbú kon datog in kapaḷ in kapaḷ tatua kon bonu in dagat.

ZAKHARIA 10:1

Aka sempodon in pononubú, poigumdon kon uyan kon i Tuhan. Dá sipunondon i Tuhan in goḷom morondí, bo mopoḷabú in uyan morogot dá gobá mita in ḷumunowdon bo moḷumbá kon bayongan in intau.

YOHANES 3:8

Tompot mogirup kon onda in koibognea; kodongogan naton in singognea, táe diábí kotaauan naton mongo nongkon onda in kinoangoiannea bo kon onda in bayáannea. Natua doman in intau inta pinolahir nongkon Roho i Allah.”