MAZMUR 135:6 - Alkitab Singog In Mongondow Masa In Tanaa

⁶ Sia in nogaid kon onu in kinoibog-Nea, kon ḷangit bo kon butá, kon dagat bo kon baḷangon inta modaḷom.

MAZMUR 135:6 Iomraidhean Croise

MAZMUR 115:3

Ki Allah naton in kon soroga, Sia in mogaid kon onu in kinoibog-Nea.

MAZMUR 33:11

Táe tomayá i Tuhan in umuranbí mobaḻí, toimbaḷoi-Nea in moroton kinoouput in kobiagan.

MAZMUR 33:9

Sin Sia in nosingog, bo bayongan yagi-yagi binaḻí; Sia in nomarenta, dá bayongan yagi-yagi nooyúon.

YESAYA 46:10

Nongkon pinomangkoianmai pinotaau-Kudon in onu inta mobaḻí kon singgai moiduduimai, nongkon dungkuḷpabímai ain sinoḻindap-Ku onu in mobaḻí. Guman-Ku: Onu inta ain sinantú-Ku in mobaḻíbí, onu in koibog-Ku in notantúbí kon aidan-Ku!

DANIEL 4:32

Iko in poguntunon nongkon sigad in intau mita, bo mobiag moyotakin in mahaḷuk mita kon rawang. Pitu notaong in koonggotnea iko in mokaan kon bonok naonda bo sapi. Mopaḷut mako kon tua iko in mongakudon kon Ki Allah Inta Totok in moḷantud in kitogi kawasa kon dodatuan in intau bo dodatuan tatua in inogoi-Nea kon i inekabí inta piniḻí-Nea.”

DANIEL 4:35

Bangusa mita kon dunia diá in mangaḻenea. Ki Allah in nongawasa kon malaekat kon soroga bo intau kon dunia. Diá tobatúmai intau in mokoḻimpat kon ibog-Nea, diábí in mokobaḻí moḻibó mongo onu in pomiaan-Nea.”

AMOS 4:13

Buḷud bo tompot, ki Tuhanbí in nomaḻí; tomayá-Nea in pinoniata-Nea kon intau. Sia in nomia kon singgai bo doḷom; kon popod mita in butá Sia in nodondaḷoi, Ki Tuhan Allah Inta Totok in mokawasa, tuata in tangoi-Nea.

AMOS 9:6

Ki Tuhan in moposindog in baḷoi-Nea moyayú kon toḷungayá, kon tudu in butá pinosindog-Nea in ḷangit nobaḻí kubah, bo tubig nongkon dagat pinopobutak-Nea kon toba, inta nogaid kon tua mita tangoi-Nea in ki Tuhan!

MATIUS 14:25

Degá jam intoḷuneadon modiug mobayag namangoidon in ki Yesus kon i monia takin minaya-mayá kon tudu in tubig.

MATIUS 28:18

Dá ki Yesus in dinimiug kon i monia bo noguman, “Akuoi in inogoiandon in bayongan kawasa kon soroga bo kon dunia.