MAZMUR 135:4 - Alkitab Singog In Mongondow Masa In Tanaa

⁴ Ki Yakub in piniḻí-Nea kon i-Nia, umat in Israel binaḻí kapunyaan-Nea.

MAZMUR 135:4 Iomraidhean Croise

MAZMUR 33:12

Pia in kamang in bangusa inta nongaku kon ki Tuhan in ki Allahnea, pia in kamang in umat inta piniḻí-Nea nobaḻí kapunyaan-Nea!

YESAYA 41:8

Táe iko, Israel, mogogundoi-Ku, umat inta piniḻí-Ku, iko in buí i Abraham, yobayat-Ku.

YEREMIA 51:19

Ki Allah i Yakub in diábí notongkai in berhala mita tatua; Sia in nomaḻí kon bayongan in yagi-yagi. Tangoi-Nea in ki Tuhan Inta totok in mokawasa; Sia in nomiḻídon kon Israel nobaḻí umat-Nea.

MALEAKHI 3:17

Ki Tuhan Inta Totok in mokawasa in noguman, “Mosia in mobaḻí umat-Ku. Kon singgai Akuoi mopobayá in oaidan-Ku, mosia in mobaḻí umat inta totok in kinotabi-Ku. Kotabi-Kubí in mosia, naonda bo guyanga ḷoḷaki motabi kon i adínea inta nogaid dinumudui kon ibognea.

ULANGAN 10:15

Táe tabi i Tuhan kon mogoguyang monimu ná domai tua in koḷoben, nodapot in nongkon sigad in bayongan bangusa moikodon nion in piniḻí-Nea, bo nodapotpabí in masai in tanaa moiko in umat-Nea inta kinopiḻían.

ULANGAN 26:18

Singgai in naa ki Tuhan motarima kon i monimu mobaḻí umat-Nea tontaní, ná inta pinodandi-Nea kon inimu, bo Sia in nomarenta kon inimu mogaid kon bayongan in parenta-Nea.

ULANGAN 32:9

Táe buí i Yakub in tanaa piniḻí i Tuhan kon i-Nia tontaní.

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.

SAMUEL 1 12:22

Ki Tuhan ain nongibot, kon Sia in diábí monaḷámai kon i monimu sin Sia ain nonantú kon umat-Nea tontaní.