MAZMUR 13:4 - Alkitab Singog In Mongondow Masa In Tanaa

⁴ Indoiaidon in akuoi, kaasí o Tuhan Allahku, tubagaipa kaasí in sambayangku. Poguḻídon in ropotku, bo dikadon pomayá mako in akuoi matoi.

MAZMUR 13:4 Iomraidhean Croise

EZRA 9:8

Táe tanaa, o Tuhan Allah nami, Iko in bagubí nonotabi kon inami. Pinoḷuat-Mu in tongonumai in intau nongkon sigad nami nongkon pinononggataan sinbá mobiag motompia kon tampat inta sinondí tanaa. Inogoian-Mudon in kami in kobiagan mobagu.

MAZMUR 10:11

Kainiakamai, “Kinoḻiongandon i Allah bo diá bidon inindoian mako; bo moiduduimai in diábí doman ontongon-Nea in akuoi!”

MAZMUR 112:6

Intau mopia in umuranbí mokouḻí; sia in umuranbí toropon modapot in mononoi.

MAZMUR 25:2

o Allahku, akuoi in mopirisaya kon ini-Mu! Dika pomayá mako in akuoi pokopooyáanmai, bo goḷokapan in musungku mita.

MAZMUR 35:19

Dikabí pomayá mako in akuoi in poyambáan in intau inta nondoí kon inakó takin diá in popisínea. Dika pomayá mako in akuoi in giowan in intau inta nondoí kon inakó takin diá in kinodoyonan.

MAZMUR 35:25

Dika pomayá mako in mosia in mosingog kon bonu in gina, “Sukur, irabutdon naton in nyawanea. Onu in kinoibog naton kinoduduiandon!”

MAZMUR 38:16

Táe akuoi in nongamang mako kon inimu, o Tuhan, bo Iko, Tuhan Allahku, in notubag kon inakó.

MAZMUR 55:22

Tosingogonnea mita mopia in kodongogan modondouḷug, táe kon bonu in ginanea oyúon in yaat in gina. Potosingognea in moḷukó, táe monurak naonda bo tosilad inta moḷanit.

MAZMUR 62:2

Noodombí mako in dimukudku mogoḷat mako kon i Allah, tongábí nongkon i-Nia in kasaḷamatanku.

MAZMUR 62:6

Noodom in ginaku mogoḷat mako kon i Allah, tongábí nongkon i-Nia in kasaḷamatanku.

MAZMUR 9:19

Diábí modapot in mononoi intau bogá in ḻiongon; diábí modapot in mononoi intau mororiga kobuḻian in kamang.

AMSAL 12:3

Diábí in tobatúmai in intau inta umuran mooyúon kon bonu in aidnea inta moraat; táe intau inta motuḻid in gina umuranbí motorindog, diábí motundan.

OMBAḶ 1:16

Tuamai in noḷabú in ḷuáku, diá in moginrigon kon gina bo moḻipoi. Bangusaku in kinobuḻiandon in bayongan in yagi-yagi, popisí in kawasa in musung in moḷobe-ḷoben.

YOSUA 7:9

Intau in Kanaan bo bayongan intau ibanea kon butá tanaa in mokodongogdon kon tua. Ḻibutandon monia bo ḻimodon in kami komintan! Yo onu in pomiaan-Mu sinbá tangoi-Mu in umuran horomaton?”